Ohiko galderak
18 emaitz
-
Kasu hauetan eskatu ahalko da:
- Zergadunek, pertsona fisikoak edo errentak eratxikitzeko araubidean dauden entitateak direla, aurreikusita daukatenean jarduera ekonomikoak egiteari utziko diotela 3 urteko epean, Batuz behin betiko ezarri behar den datatik zenbatzen hasita, 8/2023 Foru Arauak ezarritakoarekin bat, betiere Batuz betetze aldera inbertsio eta/edo gastu handiak egin beharko balituzte.
- Pertsona juridikoak diren zergadunek, aurreikusita daukatenean jarduera ekonomikoak egiteari uztea urtebeteko epean, Batuz behin betiko ezarri behar den datatik zenbatzen hasita, 8/2023 Foru Arauarekin bat, betiere Batuz betetze aldera inbertsio eta/edo gastu handiak egin beharko balituzte.
-
Pertsona fisikoek edo errentak eratxikitzeko araubidean dauden entitateek TicketBAI sistema betetzetik eta EEEL-140 liburua eramatetik salbuesteko eskaera egin ahal izango dute honako 4 baldintza hauek betetzen badituzte:
- Jarduera ekonomikoetatik eratortzen diren diru-sarrera guztiak urtean 2.000 eurotik gorakoak ez izatea.
- Gastu kengarririk ez edukitzea jarduera ekonomikoen etekin garbia zehazteko.
- Jarduera ekonomikoetatik eratorritako diru-sarrera guztiak atxikipenari lotuta egotea PFEZn.
- Diru-sarrera guztiak BEZari lotu gabe edo BEZetik salbuetsita egotea.
Eskaera hauek egoitza elektronikoan eskuragarri dagoen “Batuz - TicketBAI betebeharretatik salbuesteko eskaera: urtean 2.000 eurotik gorakoak ez diren diru-sarrerengatik” inprimakiaren bidez aurkeztu beharko dira: Batuz - TicketBAI betebeharretatik salbuesteko baimena (1787)
-
Ez, Bizkaian ez da aurreikusi adinagatik TicketBAI eskakizunak betetzetik salbuestea.
Baldintzak betetzen badira, TicketBAI betekizunak salbuesteko eska daiteke, zergadunek jarduera ekonomikoa 3 urteko epean (PFEZren zergadunak) edo urtebeteko epean (SZren zergadunak) utziko duten kasuetan, Batuz behin betiko ezartzen den egunetik zenbatzen hasita. Nolanahi ere, salbuespen horiek TicketBAI eskakizunak betetzeari buruzkoak izango lirateke soilik, eta ez liokete eragingo EEELa eramateko betebeharrari. Zehazki, jaulkitako fakturak EEELren “Software bermatzailerik gabe egindako fakturak" 1.2 azpikapituluan jaso beharko lirateke.
-
Gailu-ziurtagiri bat erabiltzen hasi aurretik, gailu horri alta eman behar zaio Ogasunean, egoitza elektronikoaren izapide honen bidez: Prozeduren Katalogoa. Eskaeran adierazi behar den zenbakia gailu-ziurtagiriaren serie-zenbakia da (esteka honetan daude serie-zenbaki hori aurkitzeko jarraibideak, ziurtagiriaren serie-zenbakia berreskuratzeko .pdf). Eskaera berean gailu bat baino gehiago erregistra daitezke.
Alta eskatu ondoren, gailu-ziurtagiria erabili ahal izango da EEELra fakturen oharrak bidaltzeko. Eskaeran adierazi den zenbakia zuzena ez bada, fakturak baztertu egingo dira, eta softwareak akats-kode hau erakutsi beharko lioke, alta eman behar zitzaion serie-zenbakia barne: "N3_0000016 akatsa: gailua ez dago BFAren gailuen erroldaren barruan. Hau da gailuaren kode zuzena: XXXXX ". Hori gertatuz gero, beste eskaera bat egin beharko da adierazitako gailuaren kodearekin. Zenbaki zuzena erregistratu ondoren, atzera botatako oharrak berriro bidali beharko dira.
Ogasunean alta emandako ziurtagiriak kontsultatzeko, egoitza elektronikoko "Nire espedienteak" atalean sartu eta egindako eskaerak bila daitezke.
-
Sozietateen gaineko Zergatik salbuetsita edo partzialki salbuetsita dauden erakundeak edo irabazi-asmorik gabeko erakundeak ez daude BATUZ araudian ezarritako betebeharrak betetzetik salbuetsita (TicketBAI eta EEELa). Hala ere, egiten dituzten eragiketa zehatzen araberakoa izango da, honako hauek kontuan hartuta:
A. TicketBAI sistema betetzeari dagokionez, eragiketaren arabera izango da:
- Bazkideen kuota kobratzea. Ez dituzte TicketBAIren baldintzak bete behar (ez baitira BEZari lotutako eragiketatzat hartzen) eta ez dira EEEL-240an idatzi behar, BEZari lotutako ondasunak eta zerbitzuak jasotzeko eskubidea ematen duen zatia izan ezik.
- Zerbitzuak emateari edo ondasunak emateari buruzko eragiketak. Eragiketa hauek honakoak izan daitezke:
- BEZari lotuak eta salbuetsi gabeak. Eragiketa horiengatik TicketBAI bete behar da, eta idatzoharrak EEEL-240ra bidali.
- BEZari lotuak baina salbuetsiak, BEZaren Foru Arauaren 20. artikuluaren Bat ataleko 8., 11., 12., 13., 14. eta 28. zenbakietan adierazitakoak izateagatik. Eragiketa horiengatik ez da TicketBAI bete beharko. Salbuespen hori ez da aldez aurretik eskatu behar, automatikoki aplikatzen baita. 22/2026 Foru Dekretuak, martxoaren 18koarekin bat etorriz eta BEZaren hileko autolikidazioa aurkezten duten erakundeak ez badira, eragiketa horiek EEEL-240an idatzi beharko dira, baldin eta hartzaileko 1.000 euro baino gehiago badira urtean. Kasu horretan, EEEL-240ko zerga garrantzia duen bestelako informazioa kapituluan idatz-ohar bat egin beharko da, eragiketak egin diren hurrengo urteko urtarrilean.
Gainera, 100/2025 Foru Dekretuak, azaroaren 13koa, BEZetik salbuetsita ez dauden eragiketetatik edo aurreko puntuan adierazitakoez bestelako arrazoiengatik BEZetik salbuetsita dauden eragiketetatik TicketBAIren salbuespena arautzen du, baldin eta 4 baldintza hauek betetzen dituen jarduera ekonomiko baten barne gauzatzen badira:
- Noizbehinkakoa izatea (jarduera ekonomikoa noizbehinkakoa dela joko da, urtean 15 egun baino gutxiago egiten badira).
- Horiek garatzean lortutako etekinak erakundearen xede edo helburu espezifikoa edo interes orokorrekoa diren jarduerei eusteko erabiltzea, etekin horiek lortu diren ekitaldi berean edo hurrengoan.
- Irabazi-asmorik gabeko erakundeen zerga-araubideari eta mezenasgorako zerga-pizgarriei buruzko martxoaren 20ko 4/2019 Foru Arauaren 31. artikuluan araututako eremuekin lotutako ekitaldien barruan egitea.
- Eta garrantzi txikikoak izatea (ekitaldiko diru-sarrerak 50.000 eurotik gorakoak ez direnean).
Honen arabera TicketBAItik salbuetsita geratzen diren eragiketak (noizbehinkako eragiketak eta garrantzi txikikoak direlako) EEEL-240an jakinarazi beharko dira. Salbuespena izateko, eskaera bat aurkeztu beharko da egoitza elektronikoaren bidez, esteka honetan.
B. EEELa-240 Bizkaiko Foru Aldundiaren egoitza elektronikoaren bidez eramateari dagokionez:
Jaulkitako fakturen kapituluan honako hauek jaso beharko dira:
- TicketBAIrekin bete behar dituzten eragiketak.
- Garrantzi gutxiko noizbehinkako jarduerak izateagatik TicketBAItik salbuestea eskatu duten eragiketak. Horretarako, eguneroko laburpenak idatzi ahal izango dira software bermatzailerik gabe jaulkitako fakturen azpikapituluan.
Jasotako fakturen kapituluan honako hauek jaso beharko dira, banan-banan:
- Entitatea eragiketen hartzaile gisa agertzen den faktura osoak, salbu eta BEZari ez lotutako eragiketetan edo BEZaren Foru Arauaren 20. artikuluko Bat ataleko 8., 11., 12., 13., 14. eta 28. zenbakiak aplikatuta BEZatik salbuetsita dauden eragiketetan jasotako fakturak badira. Salbuespen hori ez zaie aplikatuko BEZaren hileko autolikidazioa aurkezten duten erakundeei.
- Nolanahi ere, faktura batean jasandako BEZa kengarria bada (zati batean bada ere), faktura hori banaka erregistratu beharko da jasotako fakturen kapituluan.
Jasotako fakturen kapituluan ez dira inola ere erregistratu beharko:
- Erakundea eragiketen hartzaile gisa agertzen ez den fakturak (tiketak).
- Fakturan dokumentatzen ez diren gastuak (langile-gastuak, finantza-gastuak, aseguruak, amortizazioak, etab.).
Irabazi-asmorik gabeko erakundeek (BEZaren hileroko autolikidazioa aurkezten dutenean izan ezik) zerga garrantzia duen bestelako informazioa kapituluan honako hau idatzi beharko dute, 22/2026 Foru Dekretuak, martxoaren 18koa ezarritakoaren arabera:
- Diru-sarreren ikuspegitik, BEZari buruzko Foru Arauaren 20. artikuluko Bat ataleko 8., 11., 12., 13., 14. eta 28. zenbakiak aplikatuta BEZetik salbuetsita egoteagatik TicketBAI betetzen ez duten operazioak, baldin eta urtean 1.000 euro baino gehiago badira hartzaile bakoitzeko. Horretarako, idatz-ohar bakarra egingo da hartzaile bakoitzeko, eragiketak egin diren hurrengo urteko urtarrilean.
- Gastuen ikuspegitik, BEZari buruzko Foru Arauaren 20. artikuluko Bat ataleko 8., 11., 12., 13., 14. eta 28. zenbakiak aplikatuta BEZatik salbuetsita dauden edo BEZetik lotuta ez dauden eragiketen garapenean jasotako faktura osoen informazioa, hornitzaile bakoitzeko urtean 1.000 euro baino gehiago direnean bakarrik. Horretarako, idatz-ohar bakarra egingo da hornitzaile bakoitzeko, eragiketak egin behar diren hurrengo urteko urtarrilean. Inola ere, ez dira erregistratu beharko ura, energia elektrikoa eta erregaiak hornitzeko eragiketak eta aseguruetatik eratorritakoak.
EEELa eramateak hirugarren pertsonekin egindako eragiketen urteko aitorpenaren aurkezpena ordezten du (347 eredua).
-
Oro har, Bizkaiko Foru Aldundiaren egoitza elektronikoan onetsitako identifikazio- eta sinadura-sistemak honako hauek dira:
-
263. ohiko galderan adierazitako baldintzak betetzen badira eta TicketBAI ez egiteko salbuespena onartzen bada jarduera uzteagatik edo azkentzeagatik, jaulkitako fakturetan ez da bete beharko TicketBAIrekin lotutako betebeharrik. Hala ere, eragiketa horien idatzoharra egin behar da EEELean; orobat, jardueraren berezko gainerako eragiketen idatzoharra egingo da, adibidez, jasotako fakturena. TicketBAIrik gabe egindako salmenten idatzoharra egiteko, 1.2 —TicketBAI barik jaulkitako fakturak— azpikapitulua erabiliko da, eta jaulkitako fakturen eguneko idazpen laburtuak bakarrik egin ahal izango dira jasotzailea identifikatzen ez duten eragiketen kasuan (tiketak).
Idazpen laburtu baten idatzoharra egiteko, adierazi beharko da faktura sinplifikatu baten idatzoharra dela, eta, ondoren, idazpen laburtuaren aukera hautatu.
-
BATUZ sistema behin betiko ezartzeko neurriak onartzen dituen 8/2023 Foru-Arauaren arabera, BATUZ 2024ko urtarrilaren 1etik aurrera nahitaezkoa izango da mikroenpresa, enpresa txiki edo ertaintzat hartzeko baldintzak betetzen ez dituzten sozietateetako zergadunentzat (SZren Foru Arauaren 13. artikulua).
Mikroenpresak, enpresa txikiak eta enpresa ertainak, langile autonomoak, errentak eratxikitzeko araubidean dauden erakundeak (EEAE), irabazi-asmorik gabeko erakundeak eta SZtik salbuetsita edo partzialki salbuetsita dauden zergadunak mailaka sartuko dira sei hilean behin irekiko diren leihoetan: 2024ko uztailaren 1ean, 2025eko urtarrilaren 1ean, 2025eko uztailaren 1ean eta 2026ko urtarrilaren 1ean.
BATUZ erabili behar duten pertsonek eta erakundeek, BATUZen nahitaez sartu behar duten egunetik aurrera, TicketBAIren baldintzak betetzen dituen fakturazio-sistema bat erabili beharko dute.
Gainera, nahitaezko sartze-datatik aurrera, pertsona eta erakunde horiek Eragiketa Ekonomikoen Erregistro Liburuetako informazioa bidali beharko dute Batuz proiektuko zerga-betebeharrak garatzen dituen 82/2020 Foru Dekretuan ezarritako epeetan. TicketBAI fakturazio-sistemak eta Eragiketa Ekonomikoen Erregistro-Liburuak betetzeak zergadunei laguntza ematea ahalbidetuko dute, BATUZen hirugarren osagaia gauzatuz. Zehazki:
- 2022ko eta ondorengo ekitaldietako PFEZren zirriborroko jarduera ekonomikoen etekinak kalkulatzeko, EEEL-140ko informazioa erabiliko da Batuz sistemari atxikituta dauden pertsonentzat.
- 2023ko urritik aurrera, BEZaren autolikidaziorako 303 ereduaren zirriborroak eskatu ahal izango dira, eta EEELren informazioarekin egingo dira.
2022ko urtarrilaren 1etik aurrera Batuzeko borondatezko pizgarridun aldiari heltzen diotenek TicketBAI eta EEELa bete beharko dituzte, Batuz sistemari borondatezko aplikazioaren jakinarazpena egiten zaionetik aurrera.
-
BATUZ nahitaez erabili behar dute pertsona juridikoek eta jarduera ekonomikoren bat egiten duten pertsona fisikoek eta nortasun juridikorik gabeko pertsonek, eragiketen tamaina edo bolumena gorabehera, baldin eta Bizkaiko arautegia bete behar badute pertsona fisikoen errentaren gaineko zerga, sozietateen gaineko zerga edo ez-egoiliarren gaineko errentaren gaineko zerga (establezimendu iraunkorrak) ordaintzeko.
Halaber, BEZaren ordainketan informazioa berehala emateko (IBE) sistema aplikatu behar duten pertsonek eta entitateek ere BATUZ erabili behar dute. Nolanahi ere, Eragiketa Ekonomikoen Erregistro-Liburuetan IBEko informazioa eta betebeharrak txertatu behar dira, eta horregatik nahikoa da informazioa behin bakarrik bidaltzea.
-
BATUZ erabili behar duten pertsonek eta entitateek:
- TicketBAIren betekizun berrietara egokitu behar dituzte beren fakturazio-sistemak. Hala ere, Bizkaiko Foru Aldundiak fakturak egiteko prestatuko duen aplikazioaz baliatu ahal izango dira Batuz proiektuaren tributu-betebeharrak garatzen dituen 82/2020 Foru Dekretuan ezartzen diren kasuetan.
- Eragiketa Ekonomikoen Erregistro-Liburuak Bizkaiko Foru Aldundiaren Egoitza Elektronikoan eraman beharko dituzte (mezu informatikoen bidez edo egoitzan formularioak betez). Beraz:
- Betebehar berria ezarri zaie pertsona juridikoei, orain arte ez dute eduki erregistro-libururik eraman beharrik eta.
- Jarduera ekonomikoren bat egiten duten pertsona fisikoek eta nortasun juridikorik gabeko entitateek 140 eredua aurkeztu beharko dute orain arte bezala, baina BATUZ ezarri ondoren Egoitza Elektronikoaren bidez egin beharko dute.
Erakutsiorrialde bakoitzeko
128 emaitz
-
TicketBAI sistema arautzen duen araudiak eta fakturazio-betebeharrak ezartzen dituen erregelamenduak ez dute debekatzen "proformako fakturak" edo "aurre-tiketak" egitea; hala ere, behin betiko TicketBAI faktura egin arte, faktura hori ezin izango da egin dagokion QR kodearekin eta TicketBAI identifikatzailearekin.
Horregatik, "proformako fakturek" edo "aurre-tiketek" ez dute eraman behar ez QR kodea, ez TicketBAI identifikatzailea, eta argi adierazi beharko dute ez direla behin betikoak.
Gainera, "proformako fakturak" edo "aurre-tiketak" jaulkitzea baimenduta egon behar da, baldin eta, azkenean, TicketBAI faktura edo faktura sinplifikatuarekin ordezten badira eta bezeroari entregatzen bazaizkio.
TicketBAI software bermatzaile batek hartzaileari ematen edo bidaltzen zaizkion "proformako fakturak" edo "aurre-tiketak" sortzeko sistema bat ezartzen badu, sistema horrek nahitaez lotuta egon behar du TicketBAI fakturak jaulkitzeko software bermatzailearekin, unitate bat osatuz.
Hori dela eta, ez da onargarria "proformako fakturak" edo "aurre-tiketak" sortzeko sistemak erabiltzea, TicketBAI software bermatzaileak prestakuntza-dokumentu horiek kontserbatzeko kontrol-elementurik ez badu, TicketBAI fakturei behar bezala lotuta, eta azkenean edo fakturarik ezean, sisteman erregistratuta eta kontserbatuta gera daitezen.
Kontrol-elementu horiek ez izateak TicketBAI software bermatzaile batek bete behar dituen bortxaezintasun- eta trazabilitate-baldintzak ez betetzea ekarriko luke.
-
Faktura elektronikoa bidaltzeko zerbitzuak arazo teknikoren bat izan badu, itxaron apur bat eta saiatu berriro. Arazoak bere horretan badirau, jarri harremanetan kontsulta teknikoetarako zerbitzuarekin (gorabehera informatikoak), 946 083 566 telefono-zenbakiaren bidez, eta jakinarazi zer errore-kode jaso duzun.
Nolanahi ere, gogorarazten dizugu fakturak jasotzen dituzten administrazio publikoek faktura elektronikoa beren Interneteko atarian zuzenean kargatzeko aukera eskaintzen dutela ere, bai eta faktura beste bitarteko batzuen bidez bidaltzeko aukera ere (adibidez, posta elektronikoaren bidez). Horretarako, faktura elektronikoa deskargatu dezakezu Egin zure faktura aplikazioan, «Fakturen kontsulta» ataletik, «faktura elektronikoa deskargatu» aukera hautatuta. Ondoren, Egin zure faktura aplikazioan, faktura elektronikoa bidalitako gisa markatu ahal duzu, eskuz, «Markatu ondo bidali dela» aukera hautatuta. -
Baliteke fakturaren hartzaile den administrazio publikoak eskatzea jaulkitzailea aldez aurretik hornitzaile gisa altan egotea, faktura elektronikoak bidali ahal izateko. Egiaztatu, mesedez, gai honi buruz administrazio publiko hartzaileak duen dokumentazioa, edo jarri harremanetan harekin.
Gainera, fakturak jasotzen dituzten administrazio publikoek aukera ematen dute faktura elektronikoa beren interneteko atarian zuzenean kargatzeko edo faktura beste bitarteko batzuen bidez bidaltzeko (adibidez, posta elektronikoaren bidez). Horretarako, faktura elektronikoa deskargatu dezakezu Egin zure faktura aplikazioan, «Fakturen kontsulta» ataletik, «faktura elektronikoa deskargatu» aukera hautatuta. Ondoren, Egin zure faktura aplikazioan ere faktura elektronikoa bidalitako gisa markatu ahal duzu, «Markatu ondo bidali dela» hautatuta.
Jasotako errore-testua bat badator zure hornitzaileak baliozkotzat jotzen ez duen fakturaren daturen batekin, faktura ezeztatu dezakezu edo faktura zuzentzaile bat egin ahal izango duzu Egin zure faktura aplikazioaren bidez.
Errorea teknikoa izateagatik arazoak bere horretan jarraitzen baudu, jarri harremanetan kontsulta teknikoetarako zerbitzuarekin (gorabehera informatikoak), 946 083 566 telefono-zenbakiaren bidez, eta jakinarazi zer errore-kode jaso duzun. -
Fakturak jasotzen dituzten administrazio publikoek aukera ematen dute faktura elektronikoa beren interneteko atarian zuzenean kargatzeko edo faktura beste bitarteko batzuen bidez bidaltzeko (adibidez, posta elektronikoaren bidez). Horretarako, faktura elektronikoa deskargatu dezakezu Egin zure faktura aplikazioan, «Fakturen kontsulta» ataletik, «faktura elektronikoa deskargatu» aukera hautatuta. Ondoren, faktura elektronikoa bidalitako gisa eskuz markatzeko aukera ere badaukazu, «Markatu ondo bidali dela» hautatuta.
-
TicketBAI Foru Ogasunen eta Eusko Jaurlaritzaren proiektu erkidea da, zergadunen fakturazio-softwareetan betebehar legal eta tekniko batzuk ezartzea helburu duena. Obligazio horiei esker zerga-administrazioak zergadun horien jarduera ekonomikoen diru-sarrerak kontrolatu ditzake eta, bereziki, azken kontsumitzaileei ondasun-emateak edo zerbitzugintzak egiten dizkieten, eta neurri handi baten eskudirutan kobratzen direnak, sektoreetako jarduerak.
Euskal erakundeek zerga-arloan dituzten helburu nagusietako bi zergapekoei zerga-betebeharrak betetzen laguntzea eta zerga-iruzurraren aurka borrokatzea dira, pertsona guztiek euren ekonomia-ahalmenaren arabera karga publikoei eusten laguntzen dutela bermatzeko, horixe baita ongizate-estatua, gure Herrian adostasun sozial eta politiko handiena duen bizikidetza-eredua, eraikitzeko oinarrizko elementua.
Ikuspegi bikoitz horretatik abiatuta erakundeak etengabe daude sartuta euren lan-sistemak eta -prozedurak era iraunkorrean hobetzeko eta modernizatzeko prozesuan, zergadunei ahalik eta gehien errazteko euren betebeharrak betetzea eta, aldi berean, ahalegin handia egiten dute zerga-iruzurraren aurkako borrokaren eragingarritasuna eta efizientzia areagotzeko, hau da, euren borondatez zerga-betebeharrak betetzen ez dituzten eta herritarrekiko gehieneko elkartasunik eza erakusten duten pertsonen aurkako borrokari dagokionez.
Helburu bikoitz hori gauzatu ahal izateko Euskal Autonomia Erkidegoko foru-ogasunek informazioaren eta komunikazioaren teknologien aurrerapenek eskura jartzen dituzten bitarteko guztiak erabiltzen dituzte, eta jarduera ekonomikoak egiten dituzten zergadunekiko laguntzari eta kontrolari dagokionez, elementu berritzaileenetakoa TicketBAI da. TicketBAIren helburua jarduera ekonomikoak garatzen dituzten pertsonek eta erakundeek egindako salmenta-eragiketa guztien aitorpena bermatzea da; horretarako kontuan hartu da gure inguruko herrialdeek esparru horretan duten esperientzia eta Ekonomiako Lankidetza eta Garapenerako Erakundearen (aurrerantzean ELGE) 2013ko eta 2017ko txostenetan jasotako gomendioekin bat etorriz (txosten horien izenburuak “Salmenten ezabatze elektronikoa: diru-sarrera fiskalen mehatxua" eta "Zerga ihesari eta iruzur fiskalari aurre egiteko tresna teknologikoak" dira, hurrenez hurren eta, horiei 2019ko martxoaren 28an argitaratu zen "Implementing Online Cash Registers: Benefits, Considerations and Guidance" txostena gehitu behar diegu.
-
Egungo egoera teknologikoak aukera ematen duelako une honetan ezartzeko, zergadunari eskaintzen zaion laguntza eta zerga-kontrola hobetzeko.
-
TicketBAI ondasun-emateei eta zerbitzugintzei aplikatzen zaie. Ondorio horietarako, ondasun-ematetzat eta zerbitzugintzatzat hartuko dira BEZa arautzen duen legerian halakotzat definitutako eragiketak.
TicketBAIren helburua zergadunek egindako ondasun-emateak eta zerbitzugintzak dokumentatzen dituzten erregistroen osotasuna, kontserbazioa, trazabilitatea eta bortxaezintasuna bermatzea da, bai fakturena, bai eragiketak justifikatzen dituen euskarri elektronikoko edo paperezko beste edozein dokumenturena.
Beraz, TicketBAI faktura jaulkitzeko betebeharra duten eragiketei aplikatzen zaie (Fakturazioaren Erregelamenduaren 2. artikulua aplikatuz), bai eta betebehar horretatik salbuetsitako eragiketei ere (Erregelamendu beraren 3. artikulua aplikatuz). Bigarren kasu horretan TicketBAI ondasunak emateko edo zerbitzugintzak egiteko eragiketen agiriei edo egiaztagiriei aplikatuko zaie.
TicketBAIren aplikazio-eremutik kanpo bakarrik daude ondasun-ematetzat eta zerbitzugintzatzat hartzen ez diren eragiketak.
-
Bai.
Bizkaiaren kasuan, Batuz sistema ezartzen duen 5/2020 Foru Arauan zehazten dira faktura egin aurretik TicketBAI fitxategirik sortu behar ez duten eragiketa jakin batzuk. Hona hemen eragiketa horiek:
- Baldintza berezietan laburpen-idazpenak egiteko zerga-administrazioaren baimena lortu dutenak, baldin eta ikusten bada kasuan kasuko jarduera-sektoreko merkataritza- edo administrazio-praktikek, edo fakturak eta kontabilitate-egiaztagiriak egiteko baldintza teknikoek, oztopatzen badute aipamen eta informazio horiek jasotzea.
- Bizkaiko Foru Aldundiaren urtarrilaren 22ko 4/2013 Foru Dekretuaren bidez onartutako fakturazio-betebeharrak arautzen dituen Erregelamenduaren 5. artikuluan xedatutakoaren arabera, faktura jaulkitzearen betebeharra maila materialean eragiketaren hartzaileak betetzen duenean, betiere azken horri ez bazaio era eragingarrian aplikatzen Bizkaiko Lurralde Historikoko edo Araba eta Gipuzkoako lurralde historikoetako zerga-araudia.
- Bizkaiko Foru Aldundiaren urtarrilaren 22ko 4/2013 Foru Dekretuaren bidez onartutako fakturazio-betebeharrak arautzen dituen Erregelamenduaren bigarren eta bosgarren xedapen gehigarrietan aipatzen direnak.
- BEZari buruzko 7/1994 Foru Arauaren 20. artikuluaren Bat ataleko hurrengo zenbakietan adierazitako BEZetik salbuetsitako eragiketak, Sozietateen gaineko Zergatik guztiz edo partzialki salbuetsitako eragiketak dituzten entitateek edo irabazi-asmorik gabeko entitateei aplikatu beharreko zerga-araubide bereziari atxikitako entitateek egindakoak:
- 8. zenbakia: zuzenbide publikoko erakundeek edo izaera sozialeko entitate edo establezimendu pribatuek emandako gizarte laguntzako zerbitzugintza jakin batzuk.
- 11. zenbakia: zuzentzako Ministraritzako erregistro egokian izena emanda duten erlijio-entitateek, beren xedeak betez, burutzen dituzten pertsonal- lagapenak zenbait iharduketa betetzeko ( ospitalizazioa edo irakaskuntza, besteak beste).
- 12. zenbakia: soilik helburu politiko, sindikal, erlijioso, patriotiko, filantropiko edo zibikoak dituzten irabazteko asmorik gabeko erakundeek, izaera hori legez aitortuta badute, beren kideentzat zuzenean burutzen dituzten zerbitzuak eta zerbitzuon osagarri diren ondasunemateak, baldin eta halako eragiketak erakundearen helburu zehatzak lortzeko egiten badituzte eta onuradunek erakundeoi ematen dizkieten kontraprestazio bakarrak estatutuetan ezarrita dauden kotizazioak badira.
- 13. zenbakia: kirola edo gorputz-hezkuntza egiten duten pertsona fisikoei emandako zerbitzuak, betiere zerbitzu horiek praktika horiekin zuzenean lotuta badaude eta zenbaki horretan adierazitako pertsona edo erakundeek ematen badituzte.
- 14. zenbakia: zuzenbide publikoko erakundeek edo izaera sozialeko kultura-erakunde edo -establezimendu pribatuek emandako zerbitzugintza jakin batzuk (besteak beste hauek bezalakoei lotuta dauden berezko zerbitzuak: liburutegiak; museoen bisitak; antzerki-emanaldiak edo erakusketak antolatzea).
- 28. zenbakia: Alderdi politikoek ematen dituzten ondasunak eta egiten dituzten zerbitzuak, baldin eta ondasun eta zerbitzuok alderdion helburu zehatza bete ahal izateko finantza-laguntza lortzearren eta alderdion onurarako bakarrik antolatu diren agerraldien ondorioz eman eta egiten badira.
- Gainera, 100/2025 Foru Dekretuak, azaroaren 13koa, BEZetik salbuetsita ez dauden eragiketetatik edo aurreko puntuan adierazitakoez bestelako arrazoiengatik BEZetik salbuetsita dauden eragiketetatik TicketBAI salbuestea ahalbidetzen du, baldin eta 4 baldintza hauek betetzen dituen jarduera ekonomiko baten barne gauzatzen badira:
- Noizbehinkakoa izatea (jarduera ekonomikoa noizbehinkakoa dela joko da, urtean 15 egun baino gutxiago egiten badira).
- Horiek garatzean lortutako etekinak erakundearen xede edo helburu espezifikoa edo interes orokorrekoa diren jarduerei eusteko erabiltzea, etekin horiek lortu diren ekitaldi berean edo hurrengoan.
- Irabazi-asmorik gabeko erakundeen zerga-araubideari eta mezenasgorako zerga-pizgarriei buruzko martxoaren 20ko 4/2019 Foru Arauaren 31. artikuluan araututako eremuekin lotutako ekitaldien barruan egitea.
- Eta garrantzi txikikoak izatea (ekitaldiko diru-sarrerak 50.000 eurotik gorakoak ez direnean).
- Jarduera ekonomiko nagusiaren lagungarriak edo osagarriak diren ondasun emateak eta/edo zerbitzu-prestazioak, baldin eta laguntzarik gabe funtzionatzen duten makina edo gailu automatikoen bidez egiten badira, eta, betiere, aurreko ekitaldiko eragiketen/dirusarreren bolumenak ez badu gainditzen zergadunaren ekitaldi horretako jarduera ekonomiko nagusiaren eragiketen/sarreren bolumenaren %15a.
Kasua bada, faktura horiei buruzko informazioa eskema hauen bidez bidali beharko da:
- Pertsona fisikoen Eragiketa Ekonomikoen Erregistro Libururako (EEEL) (140 eredua): 1.2.- Diru-sarrerak Software bermatzailerik gabe egindako fakturekin.
- Pertsona juridikoen EEELrako (240 eredua): 1.2.- Software bermatzailerik gabe egindakofakturak. Hala ere, Sozietateen gaineko Zergatik salbuetsita edo partzialki salbuetsita dauden entitateek eta irabazi-asmorik gabeko entitateek ez dituzte TicketBAItik salbuetsita geratzen diren eragiketak idatzi beharko. Hau da, erakunde horiek TicketBAI bete behar dutenean bakarrik idatzi beharko dituzte jaulkitako fakturei dagozkien eragiketak.
Beste alde batetik, zergadunak salbuetsita egongo dira fakturaren "QR" kodea sortzeko betebeharra betetzetik, baldin eta eragiketa horien hartzailea jarduera ekonomikoaren garapenean jarduten duen enpresa- edo lanbide-jarduera gauzatzen duen pertsona edo erakunde bat edo administrazio publiko bat bada, BEZari buruzko azaroaren 9ko 7/1994 Foru Arauaren 7. artikuluaren 8. Ataleko B) letran ezarritakoaren arabera, eta jatorriz irakurri ezina den formatu elektroniko batean jaulkitzen direnak.
Gainera, Ogasuneko Zuzendaritza Nagusiak baimena eman ahal izango du TicketBAIren betebeharren bat edo guztiak betetzetik salbuesteko aurrekoez bestelako eragiketei dagokienez, baldin eta baldintza horiek betetzea eragozten duten salbuespenezko inguruabar teknikoak gertatzen badira. Salbuespen hori aldi baterako izango da eta eragiketa horiekin lotutako betebehar horiek betetzeko beharrezkoak diren egokitzapenak egiteko konpromisoaren mende egongo da.
Ogasuneko Zuzendaritza Nagusiak Batuz-TicketBAI betekizunetatik salbuesteko baimena eman dezake zergadunek jarduera ekonomikoa 3 urteko epean utziko dutenean (PFEZren zergadunak) edo urtebeteko epean (SZren zergadunak), Batuz behin betiko ezarritako datatik zenbatzen hasita, Batuz sistemaren behin betiko ezarpena antolatzeko neurriak onartzen dituen 8/2023 Foru Arauak ezarritakoarekin bat.
Pertsona fisikoek eta errentak eratxikitzeko araubidean dauden entitateek ere Batuz-TicketBAI betekizunetatik salbuesteko baimena eska dezakete, baldintza hauek betez gero: jarduera ekonomikoetatik urtean datozkien diru-sarrerek 2.000 euro ez gainditzea, diru sarrera horiek BEZri lotu gabe edo BEZetik salbuetsita egotea eta atxikipenari lotuta, eta gastu kengarririk ez edukitzea.
-
TicketBAI sistemaren baldintzak ezartzen dituen fakturazio-softwareak (Bizkaian "software bermatzailea" deitua), faktura bat jaulkitzen duen bakoitzean, honako prozesu hau jarraitu beharko du:
- XML fitxategi bat sortu beharko da, TicketBAI formatuaren eskemaren diseinua eta edukia betetzen dituena. Fitxategi horri "TicketBAI fitxategia" deitzen zaio.
- TicketBAI fitxategia elektronikoki sinatu beharko da.
- Fakturaren irudia sortuko da, formatu fisikoan edo elektronikoan. Fakturaren irudiak TicketBAI sistemak eskatzen dituen bi eduki ditu: TicketBAI identifikatzailea eta QRTicketBAI kodea. Bi eduki horiek sortzeko beharrezkoa da sinatutako TicketBAI fitxategiaren sinaduraren zati bat erabiltzea.
- TicketBAI fitxategia dagokion euskal zerga-administrazioari bidaliko zaio, hark ezarritako epe eta formatuen barruan.
-
Faktura elektronikoen kasuan ere, faktura sortu aurretik XML fitxategi bat sortu beharko da, TicketBAI formatuaren eskemaren diseinua eta edukia betetzen dituena. TicketBAI fitxategi hori elektronikoki sinatu beharko da.
Hala ere, hartzailea enpresaburu edo profesional bat edo administrazio publiko bat duten faktura elektronikoak badira eta jatorriz begiratu hutsez irakurtzeko edo ulertzeko modukoa ez den formatu batean ematen badira (adibidez, facturae formatua), zergadunek ez dute bete beharko faktura elektronikoan QR kodea sartzeko betebeharra (hala ere, TicketBAI identifikatzailea sartu beharko dute).
Erakutsiorrialde bakoitzeko
-
Bai. Fakturazio Erregelamenduaren 6. artikuluaren arabera, fakturan eragiketen hartzailearen izen-abizenak, sozietate-izen osoa agertu beharra dago.
Era berean, eragiketen hartzailearen EBko edozein estatu kidetako zerga-administrazio eskudunak esleitutako IFZ agertu beharko da honako kasu hauetan:
- BEZari buruzko Foru Arauaren 25. artikuluaren arabera salbuetsita dagoen beste estatu kide bati zuzendutako ondasunak entregatzea.
- Eragiketa horren hartzailea hari dagokion BEZaren subjektu pasiboa izatea.
- Zerga aplikatzen den lurraldean egindakotzat jotzen diren eragiketak izatea, eta faktura egitera behartuta dagoen enpresaburuak edo profesionalak lurralde horretan finkatutzat jo behar izatea.
-
TicketBAI faktura batek hartzaile bat baino gehiago badu, TicketBAI fitxategiaren eskemak bi aukera ematen ditu:
- "Hartzaile bat baino gehiago" eremua "S" batez markatu eta horietako bakoitzaren identifikazio-datuen berri eman.
- "Hartzaile bat baino gehiago" eremua "S" batez markatu, eta horietako bakar baten identifikazio-datuen berri eman.
-
Eragiketaren kontrako aldeak (bezeroak) Espainian esleitutako IFZrik ez duenean. Atzerriko bezeroen kasuan gertatzen da, besteak beste.
Bizi diren herrialdeko identifikazio-motak eta dagozkien balioak honako hauek dira:
- 02: IFZ BEZ
- 03: Pasaportea.
- 04: Egoitza dagoen herrialdeak edo lurraldeak emandako nortasun agiri ofiziala.
- 05: Egoitza ziurtagiria.
- 06: Beste frogagiri bat.
-
Operazioaren hartzailea Espainiako lurraldean bizi ez denean, eta EBko beste herrialde batean bizi badira, ez duenean erkidego barruko operadore-zenbakirik (Europako Erkidegoko azken kontsumitzaile batzuekin gertatzen den bezala). Hau da, hartzailea Espainiako IFZ batekin identifikatzen ez denean eta naziokoa ez den hartzailearen identifikazio-mota 02: IFZ-BEZ ez denean, herrialdearen kodea aldatu beharko da. IFZ-BEZ.
-
"Hirugarrenak edo hartzaileak emandako faktura" eremuak balio hauek ditu: "N" - Igorleak berak jaulkitako faktura; "T" – Hirugarren batek egindako faktura; eta "D" - Eragiketaren hartzaileak emandako faktura. "T" eta "D" balioak fakturazio-erregelamenduaren 5. artikuluan ezarritako fakturazio-kasuari dagozkio; horren arabera, enpresaburu edo profesional batek egin beharreko fakturazio-dokumentuak hirugarren batek edo eragiketaren hartzaileak berak egin ditzake.
Nolanahi ere, fakturaren igorlea eta betebeharra betetzearen arduraduna eragiketa egiten duen enpresaburua edo profesionala da oraindik ere; beraz, haren identifikazio-datuak jasoko dira dokumentuan.
Arauak baldintza batzuk ezartzen ditu, eragiketen hartzaileak egiten badu faktura. Baldintza horiek honako hauek dira:
- Akordio bat egon beharko da eragiketak egiten dituen enpresaburuaren edo profesionalaren eta eragiketa horien hartzailearen artean, eta akordio horren bidez, lehenengoak baimena eman beharko dio bigarrenari eragiketa horiei dagozkien fakturak egiteko. Akordio hori eragiketak egin aurretik sinatu beharko da, eta bertan zehaztu beharko da zer eragiketari buruz ari den.
- Horrela egindako faktura bakoitza eragiketa egin duen enpresaburuak edo profesionalak onartu beharko du. Prozedura hori alderdiek zehaztutakoaren araberakoa izango da.
- Eragiketei dagozkien fakturak egiten dituen operazioaren hartzaileak kopia bat igorri beharko dio fakturak egin zituen enpresaburu edo profesionalari.
- Faktura horiek bertan jasotako eragiketak egin dituen enpresaburuaren edo profesionalaren izenean eta haren kontura emango dira.
- Gainera, faktura horiek serie espezifiko batean jaulki beharko dira, Fakturazio Erregelamenduaren 6.1.a) .1 artikuluarekin bat etorriz (hau da, fakturak jaulkitzen dituen hartzaileak sail espezifiko bat ireki beharko du bere fakturak materialki jaulkitzen dituen hornitzaile bakoitzeko).
Ondorioz, TicketBAI fitxategiaren goiburuan eragiketa egiten duen enpresaburuaren edo profesionalen datuak jaso beharko dira.
Erakutsiorrialde bakoitzeko
-
Bai.
SII sisteman ez bezala, informazio hori eremu bakar batean baitago, XML TicketBAI fitxategietan fakturaren serieari eta faktura-zenbakiari buruzko informazioa hainbat eremutan sartu behar da ("FakturaSeriea", "FakturaZk").
-
Ez.
Fakturazio-erregelamenduaren 6. artikuluaren arabera, faktura batek bere zenbakia eta, hala badagokio, seriea jaso beharko ditu. Beraz, printzipioz, seriea ez da faktura baten nahitaezko datua.
Hala, fakturazio erregelamenduaren 6. artikuluak hau ezartzen du: "Fakturak serie bereizietan jaulki ahal izango dira, hori justifikatzen duten arrazoiak daudenean, eta, besteak beste, fakturak egiteko betebeharra duenak bere eragiketak egiten dituen establezimendu bat baino gehiago dituenean, eta faktura egiteko betebeharra duenak bestelako eragiketak egiten dituenean".
Nolanahi ere, nahitaezkoa izango da honako faktura hauek serie espezifikoetan ematea:
- Eragiketen hartzaileek edo fakturazio erregelamenduaren 5. artikuluan aipatzen diren hirugarrenek emandakoak; horietako bakoitzerako serie bat egon beharko da.
- Zuzentzaileak.
- Abenduaren 29ko 1624/1992 Errege Dekretuaren 1. artikuluaren bidez onartutako BEZaren Erregelamenduaren bosgarren xedapen gehigarriaren arabera emandakoak.
- BEZari buruzko Foru Arauaren 84. artikuluaren Bat paragrafoko 2. zenbakiaren g) letran ezarritakoaren arabera emandakoak.
- Abenduaren 29ko 1624/1992 Errege Dekretuaren 1. artikuluaren bidez onartutako BEZaren Erregelamenduaren 61 quinquies artikuluaren 2. paragrafoan ezarritakoaren arabera emandakoak.
- Urte natural berean egindako eragiketak dokumentatzeko faktura erraztu eta osoak ematen direnean, nahitaezkoa izango da batzuen eta besteen serieak bereizita ematea.
-
TicketBAI sistemaren bidez faktura zer egun eta ordutan egin den adierazten du, haren inprimatze fisikoa sortu ez bada ere.
-
TicketBAI fitxategiko "Fakturaren goiburua" blokean "Faktura erraztua" eremua dago, eta "S" eta "N" balioak onartzen ditu (besterik adierazi ezean, "N" dela balioa - Ez).
- Faktura erraztua denean, eremu hori "S" balioarekin markatu beharko da.
- Faktura osoa denean, eremu hori "N" balioarekin markatu beharko da.
Baliorik markatzen ez bada, faktura osoa dela ulertuko da.
-
Bai. Fakturazio erregelamenduaren 7.artikuluaren 2. eta 3. idatz-zatietan aipatzen diren "faktura erraztu kualifikatuak" dira.
Kasu horretan, faktura erraztu kualifikatua "S" gakoarekin identifikatuko da "Faktura erraztua" eremuan, eta, gainera, eragiketaren hartzailea identifikatzeko datuak jaso beharko dira (gutxienez, eragiketaren IFZ edo, hala badagokio, beste identifikazio-zenbaki bat).
-
Bai. Faktura zuzentzailea faktura erraztu bada, "S" gakoa markatu beharko da "faktura erraztua" eremuan.
Era berean, faktura zuzentzailearen mota identifikatu beharko da "S - Ordezkatzeagatiko faktura zuzentzailea" edo "I - Ezberdintasunengatiko faktura zuzentzailea" gakoekin.
-
Faktura erraztuaren zein hura ordezten duen fakturaren XML sortu eta bidali behar da.
-
Fakturan errore material bat gertatu denean (fakturazio erregelamenduaren 6. edo 7. artikuluaren arabera eskatutako baldintzaren bat betetzen ez denean), zuzenbidean oinarritutako errore bat, jasanarazitako kuotaren zehaztapen oker bat edo zerga-oinarria aldatzea eragiten duen inguruabarren bat (BEZaren Foru Arauaren 80) faktura zuzentzaile bat jaulki beharko da, faktura zuzentzailearen mota adieraziz, "R1", "R2", "R3", "R4" edo "R5" gakoarekin.
Era berean, faktura zuzentzailearen mota identifikatu beharko da "S - Ordezkatzeagatiko faktura zuzentzailea" edo "I- Ezberdintasunengatiko faktura zuzentzailea" gakoekin.
-
Faktura zuzentzaile bat jaulki beharko da "R1", "R2", "R3", "R4" edo "R5" gakoarekin. Faktura zuzentzailea faktura erraztua bada, gainera, "S" gakoa markatu beharko da "faktura erraztua" eremuan.
Bi modu daude ordezkatzeagatiko faktura zuzentzaile bat erregistratzeko:
-
“Ordezteko zuzenketaren zenbatekoa” blokeko “Zuzendutako oinarria” “Zuzendutako kuota” eta, hala badagokio, “Errekargu kuota zuzenduta” adieraziz.
Faktura zuzentzailearen zerga oinarriak, zerga kuotak eta, hala badagokio, baliokidetasun errekargu kuotak, zuzentzen den fakturarenak ordezkatuko ditu.
Adibidea: 1. zenbakia duen faktura zuzenduko da, 1000 €-ko zerga oinarria eta 210€-ko zerga kuota duena, eragiketaren zerga oinarria 800€ eta zerga kuota 168€ izan behar zirelako.
Ordezkatzeagatiko faktura zuzentzaileak honako datuak adieraziko ditu:
Fakturaren goiburuaren datuak.
- Zuzendutako oinarria (“Ordezteko zuzenketaren zenbatekoa” blokea): 1.000.
- Zuzendutako kuota (“Ordezteko zuzenketaren zenbatekoa” blokea): 210.
- Ordezkatutako fakturaren zenbakia: 1
- Ordezkatutako fakturaren emateko data.
Fakturaren xehakapenaren datuak.
- Zerga oinarria: 800.
- Zerga kuota: 168.
- Fakturaren zenbatekoa guztira: 968.
-
“Ordezteko zuzenketaren zenbatekoa” blokeko “Zuzendutako oinarria” “Zuzendutako kuota” eta, hala badagokio, “Errekargu kuota zuzenduta” adierazi gabe.
Faktura zuzentzailea jaulki baino lehen zuzentzen den fakturaren zenbateko berak baina negatiboki dituen faktura bat jaulkitzearen kasua da. Faktura negatibo horretan ez da jakinarazi beharko jatorrizko fakturaren eragiketa-data.
Ondoren igorri behar den faktura zuzentzaileak zerga oinarria, zerga kuota, eta hala badagokio baliokidetasun errekargu kuotaren zenbateko zuzenak adieraziko ditu eta “Ordezteko zuzenketaren zenbatekoa” blokearen “Zuzendutako oinarria” eta “Zuzendutako kuota” eremuetan zero adieraziko da, baita “Errekargu kuota zuzenduta” eremuan, kasua bada (faktura negatiboarekin ezabatu baitira).
Adibidea: 1. zenbakia duen faktura zuzenduko da, 1000 €-ko zerga oinarria eta 210€-ko zerga kuota duena, eragiketaren zerga oinarria 800€ eta zerga kuota 168€ izan behar zirelako.
Lehenengoz faktura “normal” bat jaulki beharko da, zuzendutako fakturaren zenbateko negatiboekin. Faktura hau ez da faktura zuzentzailea. Fakturaren xehakapenean honakoa adierazi behar da:
- Zerga oinarria: -1.000.
- Zerga Kuota: -210.
- Fakturaren zenbatekoa guztira: -1.210.
Ondoren ordezkatzeagatiko faktura zuzentzailea jaulki beharko da, hurrengo datuekin:
Fakturaren goiburuaren datuak.
- Ordezkatutako fakturaren zenbakia: 1
- Ordezkatutako fakturaren emateko data.
Fakturaren xehakapenaren datuak.
- Zerga oinarria: 800.
- Zerga kuota: 168.
- Fakturaren zenbatekoa guztira: 968.
-
-
"Ordezteko Zuzenketaren Zenbatekoa" blokearen barruan dauden eremuak soilik bete behar dira ordezkapen bidezko faktura zuzentzaile bat jaulkitzen denean (faktura zuzentzailearen etiketaren barruan "S" gakoa markatu behar izan da).
Erakutsiorrialde bakoitzeko
-
"Eragiketaren data" eremua bete beharko da eragiketaren gauzatze-data faktura igorri zen data ez denean.
Adibidez: "A" enpresak beste enpresa bati saltzen dizkio salgaiak 2022ko uztailaren 3an, eta eragiketa 2022ko abuztuaren 1eko fakturan dokumentatzen da. Kasu horretan, "Faktura emateko data" eremua jasoko da, 2022ko abuztuaren 1eko balioarekin, eta "Eragiketaren data" eremua, berriz, 2022ko uztailaren 3ko balioarekin.
-
Laburpen-fakturak dokumentatzen dituen eragiketak egin diren hilabete naturaleko azken eguna jasoko da, edo, laburpen-aldia hilabetetik beherakoa bada, aldi horretako eragiketa egin den azken eguna.
Adibidez: 2022ko uztailaren 25ean igorritako faktura, 2022ko uztailaren 1, 10, 15 eta 20an egindako zenbait ondasun-emate dokumentatzen dituena; eragiketaren data uztailaren 20a da.
-
Zuzentzen ari garen jatorrizko fakturari dagokion eragiketa egin den eguna.
-
Zuzendutako azken faktura dokumentatzen duen eragiketa egin den azken eguna jasoko da (egunik berriena).
-
Foruko zerga-administrazio bakoitzak arautzen duenaren araberakoa izango da.
Bizkaiaren kasuan, ez da beharrezkoa fakturaren xehetasunari buruzko informazioa sartzea (Deskribapen xehetasuna, Kantitatea, Zenbatekoa, Deskontua eta Guztizko zenbatekoa). Sartzen bada, ez da tratatuko.
-
Ez. Eduki librea da, 250 posizio har ditzake, eta fakturatzen den eragiketaren edo eragiketen deskribapen orokorra du.
-
Faktura gehienetan, "Fakturaren zenbateko guztira" bat etorri behar da BEZa banakatzeko zenbatekoen baturarekin.
Hala ere, egoera batzuetan kointzidentzia hori ez da gertatzen, adibidez:
- Ondasun erabilien, arte-objektuen, antzinako objektuen eta bilduma-objektuen araubide berezia aplikatzen duten fakturetan.
- Bidaia-agentzien araubide berezia aplikatzen duten fakturetan.
- BEZaren zerga-oinarrian eragiketen prezioarekin zuzenean lotuta egoteagatik jasotako diru-laguntzak jasotzen dituzten fakturetan.
-
Fakturaren igorleak jasan behar duen eta fakturan sartuta dagoen atxikipenaren zenbatekoa adierazi behar da.
-
Taldeko enpresen arteko eragiketetan, BEZari buruzko Foru Arauaren 163 sexies.bost artikuluan ezarritako modalitatea aukeratu denean, "BEZaren araudi bereziaren gakoa eta zerga garrantziadun eragiketak" eremuko 06 gakoa (“BEZeko erakundeen multzoaren araudi berezia (maila aurreratua)”)erabiltzen denean bakarrik jaso behar da. Kasu horietan, "Kostuaren zerga oinarria" eremua bete ahal izango da.
"Zerga-oinarria" eremua BEZaren Foru Arauaren 78. eta 79. artikuluetan aipatzen den zenbatekoa izango da. Kontuan hartu behar da "Jasanarazitako kuota" eremuan, kostuaren zerga-oinarria dagokion zerga-tasarekin edo tasekin biderkatzearen emaitza jasoko dela.
-
Eragiketa hauek sartu dira, dagozkien gakoekin batera:
- 01 Erregimen orokorreko eragiketa eta hurrengo balioetan jaso gabe dagoen beste edozein kasu.
- 02 Esportazioa.
- 03 Erabilitako ondasunen, arte objektuen, zaharkinen eta bilduma objektuen araudi berezia aplikatzen zaien eragiketak.
- 04 Inbertsio urrearen araubide berezia.
- 05 Bidaia-agentzien araubide berezia.
- 06 BEZeko erakundeen multzoaren araudi berezia (maila aurreratua).
- 07 Kutxa-irizpidearen araubide berezia.
- 08 Ekoizpen, Zerbitzu eta Inportazioaren gaineko Zergari / Kanarietako Zeharkako Zerga Orokorrari lotutako eragiketak.
- 09 Besteren izenean eta kontura ari diren bidai agentziek egindako zerbitzuen fakturazioa (Fakturazio Araudiko 3. xedapen gehigarria).
- 10 Hirugarrenen kontura kobratzea ordainsari profesionalak edo jabetza industrialetik eratorritako eskubideak, egilearenak edo bazkideen, bazkideen edo elkargokideen kontura kobratzeko eginkizun horiek betetzen dituzten sozietate, elkarte, elkargo profesional edo bestelako erakundeek egindakoak.
- 11 Negozio lokala errentatzeko eragiketak, atxikipenari lotuak.
- 12 Negozio lokala errentatzeko eragiketak, atxikipenari lotu gabeak.
- 13 Negozio lokala errentatzeko eragiketak, atxikipenari lotuak eta lotu gabeak.
- 14 Hartzailea administrazio publiko bat denean ordaintzeke dauden BEZdun fakturak, obra ziurtagirietakoak.
- 15 Segidako traktuko eragiketetan ordaintzeke dagoen BEZdun faktura.
- 17 BEZaren Foru Arauaren IX. tituluko XI. kapituluean ezarritako araubideeren bati atxikitako eragiketa (OSS eta IOSS).
- 19 Nekazaritza, Abeltzaintza eta Arrantzako Erregimen Berezian (REAGYP) sartutako jardueren eragiketak.
- 51 Baliokidetasun errekarguko eragiketak.
- 52 Erregimen erraztuko eragiketak.
- 53 BEZaren ondorioetarako enpresari edo profesionaltzat jotzen ez diren pertsona edo erakundeek egindako eragiketak.
Erakutsiorrialde bakoitzeko
-
Bai.
Lotu gabeko eragiketaren kasuan, "Fakturaren xehakapena - Lotu gabea" blokearen barruan adierazi beharko da lotuta ez izatearen arrazoia edo kausa ("OT - BEZaren Foru Arauaren 7. artikuluak lotu gabea Lotu gabeko beste kasu batzuk”, "RL - Lokalizazio arauengandik lotu gabe", "VT - Lotu gabe, hirugarrenen kontura egindako eragiketak" edo "IE - Zergaren aplikazio-lurraldean lokalizazio-arauengatik lotu gabe, baina jasanarazita dauka atzerriko zerga, IPSI/IGIC edo EBko beste estatu kide bateko BEZa") eta zergapetu gabeko zenbatekoa.
Eragiketa salbuetsia bada, "Faktura xehakapena" blokearen barruan "lotua" eta "salbuetsia" gisa jasoko da, eta salbuespenaren arrazoia eta salbuetsitako zerga-oinarria adieraziko dira. Hauek dira salbuesteko arrazoien gakoak:
- "E1 - BEZaren Foru Arauaren 20. artikuluak salbuetsia".
- "E2 - BEZaren Foru Arauaren 21. artikuluak salbuetsia".
- "E3 - BEZaren Foru Arauaren 22. artikuluak salbuetsia".
- "E4 - BEZaren Foru Arauaren 23. eta 24. artikuluek salbuetsia".
- "E5 - BEZaren Foru Arauaren 25. artikuluak salbuetsia".
- "E6 - Beste arrazoi batengatik salbuetsia".
Nahitaez bete behar da salbuespenaren arrazoia.
Fakturak salbuespen-kausa desberdina duten eragiketak jasotzen baditu, eragiketa bakoitzari dagokion oinarri salbuetsiaren zenbatekoa banakatu ahal izango da.
-
"BEZaren erregimenen eta zerga garrantzia duten eragiketen gakoak" atalean, "02 - Esportazioa" gakoa idatziko da.
Hartzailea atzerritarra izanez gero, "Herrialdearen kodea" eta "03 - Pasaportea", "04 - Egoitza dagoen herrialdeak edo lurraldeak emandako nortasun agiri ofiziala", "05 – Egoitza ziurtagiria" edo "06 - Beste frogagiri bat" gakoen bidez identifikatu beharko da “IDType” eremuan.
Bestalde, fakturaren zerga-oinarria "salbuetsita" eragiketa motaren eremuan sartuko da, eragiketa motaren xehakapena "ematea” blokearen barruan. Salbuespen-arrazoi gisa, "E2 - BEZaren Foru Arauaren 21. artikuluak salbuetsia" gakoa jarriko da.
-
Hartzailea espainiarra bada, hornitzaileak edo zerbitzu-emaileak faktura egingo du, eta "Fakturaren xehakapena" blokean "S2 - Subjektu pasiboaren inbertsioarekin" gakoa idatziko du "Salbuetsi gabeko mota" eremuan. Eragiketaren zenbatekoaren berri emango da "zerga-oinarria" eremuan, baina "zerga tasa" eta "zerga kuota" eremuak zero zenbatekoarekin jakinaraziko dira.
Hartzailea Europar Batasunekoa bada IFK-BEZ bidez, "Eragiketa motaren xehakapena" atala beteko da, eta "lotu gabe" eremuan "RL - Lokalizazio arauengandik lotu gabe" eta lotu gabeko zenbatekoa beteko dira. Azken kasu horretan, zerbitzu ematea edo ondasun ematea den adierazi behar da.
-
TicketBAI fitxategian, bezero komunitarioa identifikatu beharko da, "IDType" egoitza herrialdeko identifikazio mota "02 IFZ-BEZ" gakoaren bidez, eta "ID" eremuan erkidego barruko operadore-zenbakia jarri beharko da. "Herrialdearen kodea" eremua ez da nahitaezkoa izango.
Bestalde, fakturaren zerga-oinarria "salbuetsita" eragiketa motaren eremuan sartuko da, eragiketa motaren xehakapena "Ematea" blokearen barruan. Salbuesteko kausa gisa, "E5 - BEZaren Foru Arauaren 25. artikuluak salbuetsia" gakoa jarriko da.
-
Erregistro bakar batean emango da fakturaren berri, honako hauei dagokien informazioa banakatuta: zerga-tasa, zerga-oinarria, jasanarazitako kuota, baliokidetasun-errekargu mota eta baliokidetasun-errekargu kuota, tasa edo errekargu desberdinen arabera.
-
Ez, Ogasunera bidaltzen den informazioak (XML TicketBAI fitxategia) eurotan baliokideak diren zenbatekoak adierazi beharko ditu.
Fakturetan agertzen diren zenbatekoak edozein monetatan adierazi ahal izango dira; baina kasuan kasu jasanaraziko den zergaren zenbatekoa eurotan adierazi behar da. Horretarako, Balio Erantsiaren gaineko Zergari buruzko Foru Arauko 79.Hamaika artikuluan zehazten den kanbio-tasa erabiliko da. (Kontraprestazioa Espainiakoez beste moneta edo dibisa batean ezarrita duten eragiketetan, sortzapena gauzatzen den unean indarrean dagoen saltzaile-trukaneurria aplikatuko da, zein Espainiako Bankuak ezarriko baitu.).
-
TicketBAI XML-ko "BEZaren xehetasuna" blokeko nahitaezko etiketa bakarra zerga-oinarria da; izan ere, dagokion eragiketa edozein izanda ere, jakinarazi behar den eremu bakarra da. Aipatutako gainerako eremuak ez dira nahitaezkoak XML eskeman; izan ere, eragiketa motaren arabera, baliteke informaziorik eman behar ez izatea.
"Baliokidetasun errekargu mota" eta "Baliokidetasun errekargu kuota" eremuak soilik bete behar dira eragiketa bat dokumentatzen bada eta eragiketa horren hartzailea baliokidetasun-errekarguaren araubide bereziari atxikitako txikizkako merkatari bat bada eta errekargu hori aplikatu behar bada, BEZari buruzko Foru Arauaren 156. eta 157. artikuluetan xedatutakoaren arabera.
Azaldutako arrazoiengatik, ezin dira eremuak nahitaezkotzat jo TicketBAI eskeman, baina horrek ez du esan nahi eremu horiek bete gabe utzi behar direnik, fakturak Fakturazio Erregelamenduaren 6. eta 7. artikuluetan ezarritako eskakizunak bete behar baititu.
-
Kontrapartea atzerritarra denean eta faktura erraztua ez denean, eragiketa motaren xehakapena adierazi behar da nahitaez.
Kontrapartea atzerritarra dela ulertuko da hartzailea TicketBAI fitxategiko "IDBestea" eremuan identifikatzen denean, eta honako kasu hauetan aplikatzen da:
- 02 IFZ - BEZ.
- 03 Pasaportea.
- 04 Egoitza dagoen herrialdeak edo lurraldeak emandako nortasun agiri oficiala.
- 05 Egoitza ziurtagiria.
- 06 Beste frogagiri bat.
Hala ere, hartzailea atzerritarra dela ere uste da, eta, beraz, eragiketa motaren xehakapena erabili beharko du, hartzailearen IFZ "N"-tik hasten denean.
-
Bai. Zerga-tasa bakoitzari dagokion zerga-oinarria eta dagokion zerga-kuota banakatu behar dira.
-
Baliokidetasun-errekarguaren araubidean dauden enpresaburu eta profesionalek egindako fakturetarako, "BEZaren araudi bereziaren gakoa eta zerga garrantziadun eragiketak" eremuko "51- Baliokidetasun errekarguko eragiketak" gakoa erabili behar da.
Aitzitik, gako hori ez da erabili behar baliokidetasun-errekarguaren araubidean dauden enpresaburuen eta profesionalen hornitzaileek egindako fakturetan.
Gako honen helburua da azken kontsumitzaile bati BEZa jasanarazten dioten fakturak identifikatzea, baina, enpresaburu batek baliokidetasun-errekarguaren araubidean jaulkitzen dituenez, ez dira zergadun horien autolikidazioetan sartu beharreko sortutako BEZaren kuota, zeren eta txikizkako fasetik sortutako BEZa hornitzaileak jasanarazitako baliokidetasun-errekarguaren bidez biltzen baita. Ildo horretan, azken kontsumitzaileari jasanarazitako BEZaren kuota horiek jarduera ekonomikoko diru sarrera izango dira enpresaburuaren PFEZn.
Horretarako, fakturaren xehakapenean, "Eragiketa baliokidetasun-errekarguan edo erregimen erraztuan" marka bat gaitzen da, non lehenetsitako balioa "N" den. "S" markatuz gero, zergadun batek erregimen erraztuan edo baliokidetasun-errekarguaren araubidean egindako faktura da. Kasu honetan jasanarazitako BEZaren kuota ez da BEZaren aitorpenera aldatzen. Gainera, PFEZaren ondorioetarako, BEZaren kuota horrek bere jardueraren diru-sarrera handiagoa dakar.
Adibidez, baliokidetasun-errekarguaren araubidean dagoen enpresaburu batek zerga-oinarria (BEZ) duen sendagai baten faktura bat ematen du, 100 eurokoa, eta BEZaren kuota, 4 eurokoa. Nola sortu behar da TicketBai fitxategia kasu honetan?
"51 Baliokidetasun errekarguko eragiketak" gakoa markatu behar da, "BEZaren araudi bereziaren gakoa eta zerga garrantziadun eragiketak" eremuan.
Fakturaren xehakapenean zenbateko eta balio hauek bete behar dira:
- Zerga-oinarria: 100.
- Zerga-tasa: 4.
- Zergaren kuota: 4.
- Baliokidetasun-errekarguaren tasa eta Baliokidetasun-errekarguaren kuota ez dira informatu behar.
- Baliokidetasun-errekarguaren edo araubide erraztuaren eragiketa: S. Marka horrek esan nahi du BEZaren kuota ez dela zergaren likidazioaren parte, eta, beraz, jarduera ekonomikoaren sarreratzat hartzen da PFEZaren ondorioetarako.
Erakutsiorrialde bakoitzeko
-
TicketBAI sistemak esan nahi du faktura bakoitzak aurreko faktura identifikatu behar duela (seriea, zenbakia, data eta sinaduraren lehenengo 100 karaktereak). TicketBAI fitxategian eremu hauek derrigorrezkoak izan ez arren, egoera hori zenbait kasutan betekizun horiek eskatzen ez direlako ematen da (adibidez, lehenengo fakturan edo gailua hondatzen denean).
Kateatzean, faktura bakoitzak aurreko faktura bakar bat izan dezake gehienez ere, hau da, zergapeko baten faktura bakoitzak zergapeko horren faktura bakar baten aurreko faktura izan daiteke.
Kateatzeko betekizuna betetzea fakturazio-sistemaren funtzionamendu-moduaren araberakoa da:
- Gailu edo fakturazio gune berak hainbat serietako fakturak jaulkitzen baditu, kateatzearen betekizunak igorritako aurreko faktura identifikatu behar du, gailu edo fakturazio gune horren barne seriea edozein dela ere (adibidez, serie arrunt bateko faktura baten aurretik beste serie bateko faktura zuzentzaile bat jar daiteke).
- Era berean, fakturazio sistema guztiz zentralizatuta dagoen sistema bada, kateatzea sistemak denborazko ordenean igorri duen azkeneko fakturari dagokio.
“Egin zure Faktura” aplikazioa, hain zuzen ere, fakturazio sistema guztiz-zentralizatu bat bezala funtzionatzen du, beraz, faktura guztiak denborazko ordenean kateatzen ditu.
Fakturazio prozesu desberdinak beharrezkoak badira (fakturazio guneak bezala) erabiltzaile desberdinei era paraleloan arreta emateko, kateatzea prozesu edo fakturazio gune barnean, denborazko ordenean, eman behar da, seriea edozein izanda ere. Kasu honetan fakturazio prozesu edo ilara kopuru bornatua egon behar du, fakturak igortzen dituen enpresa bakoitzak dituen pilaturiko erabiltzaile kopuruari lotuta.
-
Fakturak urte batean eta bestean igortzen dituen gailua berbera bada, aurreko urtean jaulkitako azken fakturarekin kateatu behar da, nahiz eta serie desberdinarekin egin.
-
Justifikatutako kasu batzuetan ezinezkoa da aurreko fakturarekin kateatzea, besteak beste:
- Gailu berri baten lehen faktura jaulkitzen denean.
- Zergadunaren lehen faktura jaulkitzen denean.
- Gailu bat apurtzen denean eta beste gailu batekin ordeztu behar denean.
-
Kateatzearen baldintza betetzeko, aurreko softwarearen kateatze-datuak lortu ahal izango dira software berriarekin jaulkitzen diren fakturetarako. Softwarea aldatu arren, TicketBAI fitxategiak sisteman gordeta egongo dira, eta, horrela, jaulkitako azken fakturaren informazioa jaso ahal izango da.
Soilik baldin eta teknikoki ezinezkoa edo oso neketsua bada fitxategi berriak sortzea zergapekoak emandako aurreko fakturaren datuekin, justifikatuta egongo litzateke TicketBAI fitxategia bidaltzea aurreko faktura identifikatu gabe.
-
Bai.
Erakutsiorrialde bakoitzeko
-
TicketBAI fitxategiak sinatzeko, honako hauek izango dira erabili beharreko ziurtagiriak:
- Pertsona fisikoen ziurtagiri kualifikatuak.
- Zigilu elektronikoko ziurtagiri kualifikatuak.
- Gailuaren ziurtagiriak. Gailu bakoitzerako nortasun bakarra eskaintzen du, eta fakturak igortzeko erabiltzen den gailuan instalatuta eta hari lotuta dago.
- Autonomoen ziurtagiria: ziurtagiri ez-kualifikatua da, jarduera ekonomikoak aitortzen dituzten pertsona fisikoentzat (autonomoak, esate baterako) igorritakoa eta horren funtzioa da ziurtagiria eskatu duenaren IFZ bermatzea.
-
TicketBAI fitxategien bidalketa baimentzeko, erabili beharreko ziurtagiriak sinaduran baimendutako berberak dira:
- Pertsona fisikoen ziurtagiri kualifikatuak.
- Zigilu elektronikoko ziurtagiri kualifikatuak.
- Gailuaren ziurtagiriak. Gailu bakoitzerako nortasun bakarra eskaintzen du, eta fakturak igortzeko erabiltzen den gailuan instalatuta eta hari lotuta dago.
- Autonomoen ziurtagiria: ziurtagiri ez-kualifikatua da, jarduera ekonomikoak aitortzen dituzten pertsona fisikoentzat (autonomoak, esate baterako) igorritakoa eta horren funtzioa da ziurtagiria eskatu duenaren IFZ bermatzea.
-
Bai; gailuaren ziurtagiriak eskura ditzake ziurtagiria erabiliko duen eta zergapekoa ez den pertsona batek. Hala ere, ziurtagiria erabiliko duen zergapekoak bere izenean eman behar dio alta Bizkaiko Foru Aldundiaren Egoitza Elektronikoan. Horretarako, gailuaren ziurtagiriaren serie zenbakia jakinarazi beharko du, hurrengo estekak irekitzen duen formularioa betez:
https://www.ebizkaia.eus/eu/fitxategi-prozedura?procedimiento=1740&cId=si
-
Gailuaren ziurtagiri bat ziurtagiri ez-kualifikatua da eta gailu bakarra identifikatzen du. Erakundearen ordezkariaren ziurtagiria ziurtagiri kualifikatu pertsonala da eta edozein administrazioren aurrean erakundea ordezkatzeko ahalordeak dituen pertsona ordezkatzen du. Euskadiko administrazioen baitan, gailuaren ziurtagiria Ticketbai fitxategiak sinatzeko eta bidaltzeko garaian bakarrik erabil daiteke. Aldiz, erakundearen ordezkariari dagokion ziurtagiria izapidetze ugaritan erabil daiteke.
Gailuaren ziurtagiria sinadurari lotutako PINik gabe instalatzen da; aldiz, erakundearen ordezkariaren ziurtagiria, bere software bertsioan PINik gabe instala daitekeen arren, ez da hori egitea gomendatzen.
Gailuaren ziurtagiriaren iraupena 10 urtekoa da; aldiz, erakundearen ordezkariaren ziurtagiriak 4 urteko iraupena du. Gailuaren ziurtagiria ziurtagiri-ez kualifikatua da eta gailua bakarrik identifikatzen du; erakundearen zigilua dokumentu eta fakturak modu arinean eta erantzunik gabe zigilatzea ahalbidetzen duen zigilua da. Horrek bermatzen du igorri zitzaion erakunde hori bera duela jatorri. Euskadiko administrazioen baitan, gailuaren ziurtagiria Ticketbai fitxategiak sinatzeko eta bidaltzeko garaian bakarrik erabil daiteke. Aldiz, erakundearen zigilua izapidetze ugaritan erabil daiteke. Gailuaren ziurtagiriaren iraupena 10 urtekoa da; aldiz, erakundearen zigiluak 3 urteko iraupena du.
-
Bai, gailuaren ziurtagiriak etorkizunera begira berri daitezke, iraungitze-data baino 60 egun lehenagotik hasita.
-
Kode baten iturria eta segurtasuna ziurtatzen duen ziurtagiria da. Software arloko garatzaileek kode-sinaduren ziurtagiriak erabiltzen dituzte software arloko programak, kontrolatzaileak eta aplikazioak modu digitalean sinatzeko. Horiek guztiak, gero, banatu egiten dituzte amaierako erabiltzaileek egiazta dezaten jasotako kodea hirugarren batek ez duela aldatu edo arriskuan jarri.
Kode-sinadurako ziurtagiriek bermatzen dute erabiltzaileek ez dutela exekutatuko den sistema eragileak bidalitako ohartarazpen-mezurik jasoko programa abiarazteko edo instalatzeko garaian.
https://casecurity.org/wp-content/uploads/2016/09/Minimum-requirements-for-the-Issuance-and-Management-of-code-signing.pdf dokumentuak jasotzen ditu ziurtagiri horiek igorri ahal izateko bete beharreko eskakizunak.
-
Ez, gailuaren ziurtagiria bere izenean alta eman duen pertsonak soilik erabili dezake. Hau da, gailu ziurtagiriak ezin dira erabili hirugarren pertsonen ordezkaritzan.
-
Bai. Egoera hau hainbat zergapekoek fakturak egiteko eta EEELren idatzoharrak bidaltzeko gailu bera erabiltzen dutenean ematen da. Kasu honetan, zergapeko bakoitzak ziurtagiriaren serie zenbakia jakinarazi behar dio Foru Ogasunari, dagokion formulario elektronikoa betez.
-
Ez.
Erakutsiorrialde bakoitzeko
57 emaitz
-
EEELren idatzoharrak hirugarrenen izenean elektronikoki hornitzeko gaikuntza eskatzeko formularioa esteka honetan aurki daiteke: https://www.ebizkaia.eus/eu/fitxategi-prozedura?procedimiento=693
Prozedura horren barruan, formulario honetako «izapidetu» botoira jo behar da: EEELren idatzoharrak hirugarrenen ordezkari gisa elektronikoki hornitzeko gaikuntza-eskaera.
Hirugarren horrek bidalketa horiek egiteko behar duen baimena eta bete beharreko baldintzak EEELren zehaztapenak arautzen dituzten 1578/2021 eta 1582/2021 Foru Aginduetan daude araututa.
-
Idatzoharrak EEELra bidaltzeko gailuen ziurtagiria jakinarazteko formularioa hurrengo estekan aurki daiteke: https://www.ebizkaia.eus/es/ficha-procedimiento?procedimiento=1740
Izapide honetan gailuaren ziurtagiriaren serie zenbakia informatu behar da. Gailuaren ziurtagiriaren serie zenbakia berreskuratzeko jarraibideak web-orrialde honetako “dokumentazio teknikoan” argitaratuta dagoen dokumentuan aurki daiteke.
-
Kapitulu honetan, jarduera ekonomikoak egiten dituzten zergadunek aurrerakin edo funts-hornidura gisa jaso dituzten zenbatekoen idatzoharrak egingo dira.
Oro har, eragiketa egiten den unetik gehienez apirilaren 25era, uztailaren 25era, urriaren 25era eta urtarrilaren 31ra arte egin beharko dira idatzohar horiek EEELan, eragiketa zein hiruhilekotan egin den kontuan hartuta, eta, betiere, eragiketa horiei dagokien Balio Erantsiaren gaineko Zergaren likidazioa eta ordainketa egin baino lehen.
-
Egindako fakturei dagokienez, egin diren urteari dagokion EEELn idatzi beharko dira.
Jasotako fakturei dagokienez, horiek jaso diren urteari dagokion EEELn idatzi beharko dira; zergadunak jasandako BEZa kentzeko eskubidea justifikatzeko dokumentua eskuratzen duen eguna izango da data hori (BEZari buruzko Foru Arauaren 97. artikulua).
-
Bi modu daude EEELn egiten diren idatzoharrak kontsultatzeko:
- Web zerbitzuen bidez, EEELren sarrera masiboen sistemaren bidez, kapitulu bakoitzeko idatzoharrak kontsultatzeko zerbitzuak erabiliz.
- BFAren EEELren aplikazioan sartuta; Batuz-en webgunean aurreikusitako esteken bidez dago eskuragarri https://www.batuz.eus/eu/eeel. EEELren kapitulu bakoitzean sar daitezke eta egindako idatzoharren bilaketak egin. Bilaketaren emaitzak pantailan agertuko dira eta idatzohar bakoitza lerro batean agertuko da. Bilaketaren informazioarekin “.csv” fitxategi bat deskargatu daiteke.
-
Zergadunaz gain, baliteke agente hauek ere EEELren idatzoharrak kontsultatzea:
- Zergadunaren ordezkaria (adibidez, aholkulari bat). Horretarako, BFAren EEELren aplikazioa erabili ahal izango du, Batuz erakundearen webgunean eskuragarri dauden esteken bitartez, edo BFAren sarrera masiboen zerbitzuaren bitartez haren ordezkatuen idatzoharrak kontsultatzeko aukera ematen duen kudeaketa-software baten bitartez.
- EEELren idatzoharrak hirugarren pertsonen ordezkari gisa elektronikoki hornitzeko gaitutako ordezkaria. Ordezkari horrek soilik kontsultatu ahal izango ditu berak zergadunaren EEELra bidalitako oharrak, BFAren sarrera masiboen zerbitzuaren bitartez.
-
BFAren EEELa betetzeko aplikazioan, "Erabilgarritasunak" apartatuan, "Egindako fakturen BEZaren laburpena" txostena eska daiteke. Txosten horrek fitxategi bat sortzen du ".csv" formatuan, erabiltzaileak adierazitako aldi batean (gehienez 4 hilabete) egindako fakturak direla-eta EEELean egindako idatzoharren batura labur jasotzen duena; fakturak emate dataren arabera, BEZ gakoaren arabera eta BEZaren ondorioetarako gainerako ezaugarrien arabera ordenaturik daude.
Txostenak zutabe hauek ditu:
Txostenaren datuak hauen arabera ordenatzen dira: emate-data, BEZaren gakoa edo gakoak, xehakapen-mota eta -xehetasuna, eta, hala badagokio, faktura zuzentzaileen mota eta kodea.
EEELean idazpena egiteko erabili den zeinu berarekin batzen dira zenbatekoak.
Txosten hau kalkulatzeko, EEELean akatsik gabe egindako idatzoharrak besterik ez da kontuan hartuko. Hau da, ez dira kontuan hartuko ezeztatutako idatzoharrak, ez baztertuak, ez eta okerrak dituztenak ere.
- Ekitaldia: EEELaren ekitaldia (egindako fakturak egite-datan idatziko dira EEELean).
- Emate-data: fakturak egin edo eman diren eguna.
- Kontadorea: emate-datan emandako fakturen kopuru osoa. Zifra hori kasu honetan errepikatzen da: data bererako informazio-lerro bat baino gehiago badago BEZaren ondorioetarako fakturen tratamendu desberdinak egoteagatik (adibidez, BEZetik salbuetsitako fakturak eta salbuetsi gabeak, zerga-tasa desberdineko fakturak, e.a.).
- Eragiketa-data: eragiketa egin den data (emate-datarekin bat ez datorrenean).
- BEZ_gakoa_1, BEZ_gakoa_2 eta BEZ_gakoa_3: BEZaren gakoaren edo gakoen kodea eta deskripzioa eta zerga-garrantzia duten eragiketa informatuen kodea eta deskripzioa. Eremu horretako balioak 69. ohiko galderan kontsulta ditzakezu.
- Xehakapen_mota: fakturen xehakapena BEZaren ondorioetarako, honako balio hauen arabera:
- Lotua salbuetsi gabea
- Lotua-Salbuetsia
- Lotu gabea
- Xehakapen-xehetasuna: fakturen xehakapena BEZaren ondorioetarako, honako balio hauen arabera:
- «Lotua Salbuetsi gabea» xehakapen-motarako:
- S1 – Subjektu pasiboaren inbertsiorik gabe
- S2 – Subjektu pasiboaren inbertsioarekin
- «Lotua-Salbuetsia» xehakapen-motarako:
- E1 - Salbuetsia, BEZaren Foru Arauaren 20. artikuluagatik
- E2 - Salbuetsia, BEZaren Foru Arauaren 21. artikuluagatik
- E3 - Salbuetsia, BEZaren Foru Arauaren 22. artikuluagatik
- E4 - Salbuetsia, BEZaren Foru Arauaren 23. eta 24. artikuluengatik
- E5 - Salbuetsia, BEZaren Foru Arauaren 25. artikuluagatik
- E6 - Salbuetsia, beste arrazoi bategatik
- «Lotu gabea» xehakapen-motarako:
- OT - Lotu gabea, BEZaren Foru Arauaren 7. artikuluagatik. Lotu gabeko beste kasu batzuk
- RL - Lotu gabea, lokalizazio-arauengatik.
- «Lotua Salbuetsi gabea» xehakapen-motarako:
- Faktura zuzentzailearen mota: faktura zuzentzailearen motaren kodea eta deskripzioa, honako balio hauen arabera:
- S - Ordezteko faktura zuzentzailea
- I - Aldeengatiko faktura zuzentzailea
- Faktura zuzentzailearen kodea: faktura zuzentzailearen kodearen kodea eta deskripzioa, honako balio hauen arabera:
- R1 - Faktura zuzentzailea: zuzenbidean oinarritutako akatsa eta BEZaren Foru Arauaren 80. artikuluaren Bat, Bi eta Sei apartatuak.
- R2 - Faktura zuzentzailea: BEZaren Foru Arauaren 80. Hiru artikulua
- R3 - Faktura zuzentzailea: BEZaren Foru Arauaren 80. Lau artikulua
- R4 - Faktura zuzentzailea: Gainerakoak
- R5 - Faktura zuzentzailea faktura erraztuetan
- Zerga-oinarria: xehakapen-mota eta -xehetasun bakoitzerako zerga-oinarria (salbuetsia edo ez) edo zenbatekoa (lotua edo ez).
- Zerga_tasa: BEZaren tasa.
- Zerga_kuota: jasanarazitako BEZaren kuota
- Baliokidetasun_errekarguaren_tasa Baliokidetasun_errekarguaren_kuota Baliokidetasun_errekargua_erreg_erraztuko_eragiketa: identifikatzaile honek zehazten du zergadunak araubide erraztuan edo baliokidetasun errekarguaren araubidean emandako faktura den (“S”) edo ez den (“N”)
- Zuzendutako_oinarria: ordezteko faktura zuzentzaileen kasuan, ordezkatutako fakturen zerga-oinarria.
- Zuzendutako_kuota: ordezteko faktura zuzentzaileen kasuan, ordeztutako fakturen kuota jasanarazia.
- Errekarguaren_kuota_zuzendua: ordezteko faktura zuzentzaileen kasuan, ordeztutako fakturen balokidetasun-errekarguaren kuota.
Txostenaren datuak hauen arabera ordenatzen dira: emate-data, BEZaren gakoa edo gakoak, xehakapen-mota eta -xehetasuna, eta, hala badagokio, faktura zuzentzaileen mota eta kodea.
EEELean idazpena egiteko erabili den zeinu berarekin batzen dira zenbatekoak.
Txosten hau kalkulatzeko, EEELean akatsik gabe egindako idatzoharrak besterik ez da kontuan hartuko. Hau da, ez dira kontuan hartuko ezeztatutako idatzoharrak, ez baztertuak, ez eta okerrak dituztenak ere.
-
BFAren EEELren aplikazioko "Erabilgarritasunak" atalean, "Sarreren eta gastuen PFEZren laburpena" eska daiteke, eta horrek fitxategi bat sortzen du ".csv" formatuan, pertsona edo erakunde baten ekitaldi bateko (urte naturala) sarreren eta gastuen EEELko idatz-ohar guztien batura laburbiltzen duena, honela ordenatuta: jarduera, EEELaren kapitulua eta, hala badagokio, EEELaren gastu-kontua. Gehienez, mota honetako 3 txosten eska daitezke egunean.
Txostenak zutabe hauek ditu:
- Epigrafea: jarduera ekonomikoaren epigrafea edo kodea.
- Jarduera: jarduera ekonomikoaren deskribapena.
- Kapitulua: EEELko kapituluaren zenbakia.
- 1.Sarrerak (faktura TicketBAI software bermatzailearekin, TicketBAI software bermatzailerik gabe eta fakturarik gabeko sarrerak: aldi baterako ezintasunagatiko hartukizunak, dirulaguntza, sarrera finantzarioak eta ezohiko diru-sarrerak eta bestelakoak).
- 2.Gastuak (fakturarekin edo fakturarik gabe).
- 3.Atxikitako ondasunak edo inbertsio-ondasunak (ondasunen baja).
- 5.Kobrantzak eta ordainketak.
- 7.Izakinen aldaketa.
- Kontu_kodea: 2. kapituluko (Gastuak) idatz-oharretarako, idatz-oharraren gastu-kontuaren kodea.
- Deskribapena: EEELaren kapituluaren deskribapena edo, hala badagokio, gastu-kontuaren deskribapena.
- Guztira_idatzoharrak: ekitaldiko EEELaren kapitulu horretarako edo, hala badagokio, gastu-kontu horretarako egindako idatzoharren kontagailua.
- Guztira_sortzapenak: idatz-oharren "PFEZren sarreraren zenbatekoa" edo "PFEZren gastuaren zenbatekoa" eremuaren batukaria, ekitaldiko EEELko kapitulu horretarako, edo, hala badagokio, gastu-kontu horretarako ("Kobrantza eta ordainketen irizpidea" laukia markatu ala ez).
- Kobrantza_ordainketen_irizpidea: 1. (Sarrerak) eta 2. (Gastuak) kapituluetarako, "PFEZren sarreraren zenbatekoa" edo "PFEZren gastuaren zenbatekoa" eremuen batukaria, ekitaldiko EEELan egindako idatz-oharretan, «Kobrantza eta ordainketen irizpidea» marka adierazita. 5. (Kobrantzak) eta 5. (Ordainketak) kapituluetarako, "PFEZren sarreraren zenbatekoa" edo "PFEZren gastuaren zenbatekoa" eremuen batura, ekitaldiko EEELan egindako idatz-oharretan.
- Jasandako_atxikipena: ekitaldiko EEELan 1. kapitulurako (Sarrerak) egindako idatzoharren "Jasandako atxikipena" zenbatekoaren batukaria.
- Hasierako_izakina: idatz-ohar horren zenbatekoa EEELaren 7. kapituluan (Izakinen aldaketa). Ekitaldi eta jarduera bakoitzeko idatzohar bakarra egin daiteke.
- Azken_izakina: idatz-ohar horren zenbatekoa EEELaren 7. kapituluan (Izakinen aldaketa). Ekitaldi eta jarduera bakoitzeko idatzohar bakarra egin daiteke).
- Irabazia: ekitaldiko EEELaren 3. kapitulurako (Atxikitako ondasunen edo inbertsio-ondasunen baja) egindako idatz-oharren "irabazia" zenbatekoaren batukaria.
- Berrinbertsioagatik_salbuetsitako_irabazia: ekitaldiko EEELaren 3. Kapitulurako (Atxikitako ondasunen edo inbertsio-ondasunen baja) egindako idatz-oharren "Berrinbertsioagatik salbuetsitako irabazia" zenbatekoaren batukaria.
- Galera: ekitaldiko EEELren 3. kapitulurako (Atxikitako ondasunen edo inbertsio-ondasunen baja) egindako idatzoharren "galera"-ren batura.
- Guztira_idatzoharrak_aurreko_ekitaldia: ekitaldiko EEELan kapitulu horretan edo, hala badagokio, gastu-kontu horretan, egindako idatz-oharren kontagailua, aurreko ekitaldi bateko eragiketa-data adierazten duten fakturei dagokionez.
- Guztira_sortzapenak_aurrekoa_ekitaldia: idatz-oharren "PFEZren sarreraren zenbatekoa" edo "PFEZren gastuaren zenbatekoa" eremuaren batukaria, ekitaldiko EEELko kapitulu horretarako, edo, hala badagokio, gastu-kontu horretarako, aurreko ekitaldi bateko eragiketa-data adierazten duten fakturei dagokionez ("Kobrantza eta ordainketen irizpidea" laukia markatu ala ez).
- Jasandako_atxikipena_aurreko_ekitaldia: ekitaldiko EEELan 1. kapituluan (Sarrerak) egindako idatz-oharren "Jasandako atxikipena" zenbatekoaren batukaria, aurreko ekitaldi bateko eragiketa-data adierazten duten fakturei dagokionez.
Txosteneko datuak jardueraren (kodea eta deskribapena), kapituluaren eta, hala badagokio, gastuaren kontu-kodearen arabera ordenatzen dira.
EEELan idazpena egiteko erabili den zeinu berarekin batzen dira zenbatekoak.
Horregatik, kobrantzen eta ordainketen irizpidean ez dagoen jarduera baten errendimendua kalkulatzeko, honako eragiketa hau egin beharko da = 1. kapituluko "Guztira_sortzapenak" (Sarrerak) - 1. kapituluko "Guztira_sortzapenak" (Gastuak) + [(7. kapituluko "Azken_izakina" - "Hasierako_izakina") + [(3. kapituluko "Irabazia" - "Berrinbertsioagatik_salbuetsitako_irabazia" - "Galera") (Lotutako edo inbertsioko ondasunen baja)].
Hurrengo ekitaldiko EEELan, kalkulatu nahi den ekitaldiko eragiketa-data (aurreko ekitaldia) adierazten duten fakturak idatzi direnean, hurrengo ekitaldi horretako sarreren eta gastuen PFEZren txostena ere eskatu beharko da, aurreko kalkuluari 1. kapituluko (Sarrerak) "Guztizkoa_sortzapena_ aurreko_ekitaldia" gehitzeko eta 2. kapituluko (Gastuak) "Guztizkoa_sortzapena_aurreko _ ekitaldia" zenbatekoa kentzeko.
Txosten hau kalkulatzeko, EEELan akatsik gabe egindako idatzoharrak besterik ez da kontuan hartuko. Hau da, ez dira kontuan hartuko ezeztatutako idatzoharrak, ez baztertuak, ez eta okerrak dituztenak ere.
-
LAEBren kotizazioen erregularizazioak, erregularizazioa egiten den urteko EEEL-140an jaso behar dira (eta ez erregularizazioari dagokion urteko EEELan). Adibidez:
- 2024an ordaindutako kuoten erregularizazioa dela-eta zergadunak 2025ean itzulketa bat jasotzen badu: jardueraren gastu txikiago hori 2025eko EEEL-140erregistratu beharko du. Zehazki, itzulketa fakturarik gabeko gastuen azpikapituluan idatzi beharko da. “64201 - Gizarte Segurantza, enpresaren kontura: autonomoak” kontzeptua hautatuko da eta itzulketaren zenbatekoa negatiboan adieraziko da.
- 2024an ordaindutako kuoten erregularizazioa dela-eta zergadunak 2025ean zenbateko gehigarriak ordaindu behar baditu: 2025eko EEEL-140an erregistratu beharko du jardueraren gastu handiago hori. Zehazki, zenbateko hori fakturarik gabeko gastuen azpikapituluan idatzi beharko da. “64201 - Gizarte Segurantza, enpresaren kontura: autonomoak” kontzeptua hautatuko da, eta ordainketaren zenbatekoa positiboan adieraziko da.
-
- 2025eko alditik aurrera aurkez daiteke KMKa. Kasu horretan, sozietate-zergaren autolikidazioaren zirriborroetako informazioan, beste eduki batzuez gain, urteko kontuei buruzko informazioa sartuko da, Ogasunak kapitulu horretatik abiatuta kalkulatua.
- Batuz 2024ko urtarrilaren 1etik behin betiko ezarri behar izan zuten zergadunek ez dute kapitulu hori nahitaez aurkeztu beharko 2028ko urtarrilaren 1ean hasiko den zergaldiaren aurretik. KMKa aurkezteko epea 4 hilabetekoa da, aldia amaitzen denetik aurrera zenbatuta; hortaz, zergadunaren aldia urte naturalarekin bat badator, 2029ko urtarrilaren 1etik apirilaren 30era bitartean aurkeztu beharko du KMKa.
- Gainerako zergadunentzat, orobat, gutxienez 4 urte igaro beharko dira Batuz sistema behin betiko ezarri zuten egunetik.
- Nolanahi ere, erregelamendua areago garatu behar da, definitzen diren zergadun-kategorietarako betebehar hori zehazteko. Gai honekin lotutako foru-dekretu proiektu bat dagoenean, argitaratzen denean, dagokion berritasuna argitaratuko da www.batuz.eus webgunean.
- Azkenik, betebehar formalen erregelamenduaren 39. novodecies artikuluko 5. eta 6. apartatuen arabera, SZtik salbuetsita eta partzialki salbuetsitako entitateek eta 4/2019 Foru Arauko irabazi-asmorik gabeko entitateek inongo kasutan ez dute kapitulu hori aurkeztu behar.
Erakutsiorrialde bakoitzeko
-
- Farmaziek beren salmentengatik egiten dituzten XML TicketBAI fitxategietan eta TicketBAI fakturetan jaso behar diren datuak.
Bai XML TicketBAI fitxategietan, bai TicketBAI fakturetan, saldutako produktuen BEZaren zerga-oinarria erakunde ezberdinek farmazia-prestaziorako sinatutako hitzarmenen/itunen arabera finantzatutako zenbatekoa deskontatu ondoren kalkulatu behar da.
- Farmazia-prestaziorako sinatutako hitzarmen/itunen hileko likidazioa.
Likidazio horren informazioa bi idatz-oharren bidez jaso beharko da Eragiketa Ekonomikoen Erregistro Liburuan (EEEL):
-
"Jaulkitako fakturak eta diru-sarrerak" kapituluan, "Fakturarik gabeko diru-sarrerak" (1.3) azpikapituluan, hileko likidazioan adierazten den PFEZaren diru-sarreraren zenbatekoa idatzi beharko da. Idatz-ohar hau honela zehaztuko da:
- Diru-sarrera mota = Aparteko diru-sarrerak eta bestelakoak (73, 77 eta 79 azpitaldeak)
- Eragiketa-data: Likidazioa dagokion hilaren azken eguna.
- Eragiketaren deskripzioa: [Hilabete](e)ko Elkargoaren likidazioa.
- Ordaintzailea
- IFZ: Q4866002A
- Izen-abizenak eta sozietate-izena BIZKAIKO FARMAZEUTIKOEN ELKARGO OFIZIALA
- PFEZaren datuak
- Jarduera (EJZren epigrafea): 165210 - FARMAZIAK: SENDAGAIEN, OSASUN-PRODUKTUEN ETA HIGIENE PERTSONALAREN TXIKIZKAKO MERKATARITZA
- PFEZren sarreraren zenbatekoa: Elkargoaren “Bitartekaritzagatiko ordainketen likidazioa” deritzon hileko agiriaren zenbatekoa [Fakturazioko ordainketak guztira – Osasun eta beste erakunde batzuen deskontuak].
-
“Gastuak eta jasotako fakturak” kapituluko (hileko likidazioaren gainerako gastuak idazten diren kapituluan) fakturarik gabeko azpikapituluan, Farmaindustriari dagozkien abonuek sortzen duten erosketa-gastuen minorazioa idatzi beharko da. Idatz-ohar honen xehetasunak honako hauek izango dira:
- Eragiketa data: likidazioa dagokion hilaren azken eguna.
- Ez dira kontrako alderdiaren edo hornitzailearen identifikazio datuak bete beharko.
- PFEZaren datuak:
- (JEZren epigrafea): 165210 - FARMAZIAK: SENDAGAIEN, OSASUN-PRODUKTUEN ETA HIGIENE PERTSONALAREN TXIKIZKAKO MERKATARITZA.
- Kontzeptua: 600 – Salgaien erosketak.
- PFEZ gastuaren zenbatekoa: Farmaindustriari dagozkien abonuen zenbatekoa (NEGATIBOAN) adierazi beharko da.
Idatz-ohar hauek BFAren EEELa betetzeko aplikazioaren bidez egin daitezke (https://www.batuz.eus/eu/eeel helbidean azaldutako esteken bidez) edo Batuz-era egokitutako eta “fakturarik gabeko diru-sarrerak” eta “fakturaik gabeko gastuak” azpikapituluak eramatea aurreikusten duen software komertzial baten bidez.Idatzohar horiek zergadunak eta zergadunaren ordezkari fiskalak egin ditzake.
-
- Farmaziek beren salmentengatik egiten dituzten XML TicketBAI fitxategietan eta TicketBAI fakturetan jaso behar diren datuak.
-
Faktura zuzentzailea edozein dela ere (ordezteagatik edo aldeengatik– Ikusi ohiko galderak, 48.etik 52.era–), idatz-oharraren “PFEZ sarreraren zenbatekoa” eremuan diferentzia egiten bete beharko da, salbu eta zuzendutako fakturaren zenbateko berak baina negatiboan dituen faktura arrunt bat jaulkitzen bada (“abono” gisa ezagutzen da), eta ondoren ordezteko faktura zuzentzaile bat.
Hau da, “PFEZaren sarreraren zenbatekoa” eremuan, zuzentzen ari den fakturari dagokion PFEZaren sarreraren zenbatekoarekiko alde positiboa edo negatiboa jarri beharko da.
Adibidez, 48. ohiko galderan ordezteko faktura egiteko jasotako kasuan:
Jarduteko bi modu bereizten dira ordezteko faktura zuzentzaile bat erregistratzeko:
-
«Ordezko zuzenketaren zenbatekoa» blokearen barruan, hauei buruzko informazioa emanez: «zuzendutako oinarria», «zuzendutako kuota», eta, hala badagokio, «errekargu kuota zuzendua».
Faktura zuzentzaileko zerga-oinarriak, zergaren kuotak eta –hala badagokio— baliokidetasun-errekarguak zuzentzen ari den fakturakoak ordeztuko dituzte.
Adibidez: 1.000 €-ko zerga-oinarriko eta 210 €-ko kuotako "1" zenbakidun faktura zuzenduko da; izan ere eragiketaren zerga-oinarriak 800 € izan behar zuen eta kuotak, 168 €.
“1” zenbakidun fakturari dagokion PFEZaren sarrera 1.000 €- koa da (PFEZn kontuan hartu behar den sarrera BEZaren zerga oinarriaren bera da).
Ordezteko faktura zuzentzaileak informazio hau emango du:
Fakturaren goiburuko datuak
- Zuzendutako oinarria («Ordezko zuzenketaren zenbatekoa» blokea): 1.000.
- Zuzendutako kuota («Ordezko zuzenketaren zenbatekoa» blokea): 210.
- Zuzendutako fakturaren faktura-zenbakia: 1
- Zuzendutako faktura jaulki den eguna.
Fakturaren banakatze-datuak
- Zerga-oinarria: 800.
- Zergaren kuota: 168.
- Fakturaren guztizko zenbatekoa. 968.
- Ordezteko faktura zuzentzailearen idatz-oharrean honako hau adierazi beharko da errentaren datuen atalean:
- “PFEZn zenbatu behar den sarrera ez da BEZaren Oinarria” eremuan: “S” (PFEZn kontuan hartu behar den sarrera ez da faktura zuzentzailearen BEZaren Zerga-oinarria -800€-).
- “PFEZ sarreraren zenbatekoa” eremuan:-200 €.
-
«Ordezko zuzenketaren zenbatekoa» blokearen barruan, hauei buruzko informaziorik ez emanez: «zuzendutako oinarria», «zuzendutako kuota», eta, hala badagokio, «errekargu kuota zuzendua».
Kasu hau da: faktura zuzentzailea eman aurretik, zuzendutako fakturaren zenbateko berak dituen faktura bat eman da, baina negatiboan. Faktura negatibo horretan ez da jakinarazi beharko jatorrizko fakturaren eragiketa-data.
Ondorengo faktura zuzentzailean, zerga-oinarriaren, zergaren kuotaren eta —hala badagokio– baliokidetza-errekarguaren kuotaren zenbateko zuzenak adieraziko dira, eta «errekargu kuota zuzendua» blokeko «zuzendutako oinarria» eta «zuzendutako kuota» eremuetan zero adieraziko da, baita, hala badagokio, «zuzendutako errekarguaren kuota» eremuan (faktura negatiboarekin ezabatu baitira).
Adibidez: 1.000 €-ko zerga-oinarriko eta 210 €-ko kuotako "1" zenbakidun faktura zuzenduko da; izan ere eragiketaren zerga-oinarriak 800 € izan behar zuen eta kuotak, 168 €.
“1” zenbakidun fakturari dagokion PFEZaren sarrera 1.000 €- koa da (PFEZn kontuan hartu behar den sarrera BEZaren zerga oinarriaren bera da).
Lehenengo, faktura arrunt bat eman beharko da, zuzendutako fakturako zenbatekoak negatiboan adierazita. Faktura hori ez da faktura zuzentzailea. Faktura banakatzean, honako hauek adierazi beharko dira:
- Zerga-oinarria: -1.000.
- Kuota: -210.
- Fakturaren guztizko zenbatekoa. -1.210.
- Faktura honi dagokion PFEZren sarrera -1.000 €-koa da (PFEZn kontuan hartu behar den sarrera BEZaren zerga oinarriaren bera da).
Ondoren ordezteko faktura zuzentzaile bat eman beharko da, datu hauekin:
Fakturaren goiburuko datuak
- Zuzendutako fakturaren faktura-zenbakia: 1
- Zuzendutako faktura jaulki den eguna.
Fakturaren banakatze-datuak
- Zerga-oinarria: 800.
- Zergaren kuota: 168.
- Fakturaren guztizko zenbatekoa. 968.
- Faktura honi dagokion PFEZren sarrera 800€-koa da (PFEZn kontuan hartu behar den sarrera BEZaren zerga oinarriaren bera da).
-
-
PFEZaren ondorioetarako kobrantza- eta ordainketa-irizpidea hautatu duen zergadun batek faktura bat jaulkitzen duenean, faktura «Diru-sarrera eta egindako fakturak» kapituluan idatziko da, «Kobrantza- eta ordainketa-irizpidea» laukia markatuta. Kasu horretan, «PFEZ sarreraren zenbatekoa» ez da kontuan hartuko sortutako zenbateko gisa zerga horren ondorioetarako; izan ere, eragiketaren kobrantza/kobrantzak gertatu ahal sortuko da sarrera.
Horregatik, PFEZaren ondorioetarako diru-sarreraren sortzapena dakarren/dakarten eragiketaren kobrantza edo kobrantzak, gertatzen direnean, "Kobrantzei buruzko informazio gehigarria" atalean idatzi beharko dira.
-
BEZaren arabera, zerbitzu-prestazio bat zerga aplikatzen den lurraldetik kanpo dagoenean (penintsula eta Balearrak), TicketBAI fitxategian lotu gabe egotearen arrazoi gisa “RL” gakoa adierazi beharko da (Zergapetu gabea, lokalizazio-arauengatik), eta lotu gabeko zenbatekoa sartu beharko da. Ez da adierazi behar BEZari lotutako zenbateko bat denik, subjektu pasiboaren inbertsioarekin (ikus ohiko galdera, 83. zk.).
Hartzailea atzerritarra bada (IDBestea motakoa edo Nrekin hasten den IFZ duena) eta faktura osoa bada, eragiketa motaren araberako banakapena erabili beharko da, zerbitzu-prestazioa dela adierazita.
-
Bidaia-agentzien araubide bereziari lotutako eragiketetan, bereizi egin beharko dira XML TicketBai fitxategian jasotzen diren datuak eta fakturan jasotzen direnak.
XML TicketBai fitxategian, BEZaren eta zerga-arloan garrantzia duten eragiketen araubide bereziaren gakoa (05 – Bidaia-agentzien araubide berezia) adierazi beharko da, fakturaren zenbateko osoa, zerga-oinarria (marjina gordina) eta jasanarazitako kuota adierazita. Fakturaren zenbateko osoa ez da bat etorriko BEZaren ondorioetarako kontzeptuen baturarekin (zerga-oinarria gehi kuota).
Hala ere, BEZaren FAren 142. artikuluaren arabera, ez da beharrezkoa izango fakturan jasanarazitako BEZaren kuota bereizita jasotzea, eta, hala badagokio, eragiketaren prezioaren barruan dagoela ulertu beharko da. Gainera, araubide berezi hori aplikatu dela adierazi beharko da.
Adibidez:
- Bidaia baten salmenta-prezioa (BEZa barne) = 10.000
- Bidaiaren kostuaren prezioa (zergak barne) = 8.000
- Marjina gordina = 10.000 – 8.000 = 2.000
- BEZaren zerga-oinarria = 2.000x1,21 = 1.656,89
- BEZ tasa = % 21
- BEZ kuota = 347,11
XML TicketBai fitxategian honako hau jaso beharko da:
- 05. gakoa. Bidaia-agentzien araubide berezia
- Salbuetsi gabeko mota: S1 (Subjektu pasiboaren inbertsiorik gabe)
- Zerga-oinarria (1.656,89), zerga-tasa ( % 21), zerga-kuota (347,11)
Fakturan honako hau agertuko da (adibidez):
Deskribapena:
Besteren bitartekoekin norberaren izenean emandako bidaia-zerbitzuak
Xehetasunak:
- Kopurua: 1
- Unitateko zenbatekoa: 10.000 €
- Guztira (BEZ barne): 10.000 €
Oharrak:
- Egindako faktura, bidaia-agentzien araubide berezia aplikatuta
- Jasanarazitako BEZaren kuota, zerbitzuaren guztizko prezioan sartuta (BEZaren FAren 142. artikulua)
-
Bidaia-agentziek besteren izenean eta kontura bitartekari gisa esku hartzen duten zerbitzu-prestazioengatik ematen dituzten fakturak TicketBAIrekin emango dira. Eragiketa hauek fakturazioari buruzko Erregelamenduaren hirugarren xedapen gehigarriaren babesean ematen diren fakturak dira (besteak beste, bidaiarien eta haien ekipajeen garraioa, ostalaritza edo jatetxeak). Faktura horietan bidaia-agentziak berak egiten duen eta eragiketaren hartzaileari kobratzen dion bitartekotzagatiko komisioak ere sar daitezke.
Nolanahi ere, BEZ 09 erregimenaren gakoa erabili beharko da – (09) Bidaia-agentziak bitartekari gisa edo inoren kontura ari direneko zerbitzu-prestazio batzuk fakturatzea (Fakturazio-betebeharrei buruzko Araudiaren 3. xedapen gehigarria).
BEZaren erregimenaren 09 gakoa erabiltzen denean, desadostasuna egongo da eragiketaren hartzaileak jasotzen duen fakturaren zerga-oinarrien eta BEZaren kuoten eta TicketBAI fitxategian agertzen direnen artean. TicketBAI fitxategiaren datuak dira, hain zuzen ere, bidaia-agentziaren EEELan islatzen direnak.
Adibidea:
Bidaia-agentzia batek airelinea baten izenean eta kontura jarduten du, eta 2.000 euroko zenbatekoa + % 10eko BEZa duen hegazkin-txartel bat saltzen du. Gainera, bidaia-agentziak berak komisio bat kobratzen dio eragiketaren hartzaileari 100 euro + % 21eko BEZarekin:
- Hartzaileari ematen zaion fakturaren datuak:
- Airelinearen txartelaren zerga-oinarria: 2.000 €
- Airelinearen txartelaren % 10eko BEZaren kuota: 200 €
- Bitartekaritza-zerbitzuaren zerga-oinarria: 100 €
- Bitartekaritza-zerbitzuaren % 21eko BEZaren kuota: 21 €
- Fakturaren zenbatekoa guztira: 2.321 €
- TicketBAI fitxategiaren datuak:
- BEZaren gakoa: 09
- Lotu gabeko zenbatekoa: 2.200 €, airelineako txartelaren zenbateko osoa (BEZa barne). Lotu gabeko arrazoia hauxe izango da: VT- Lotu gabea, hirugarrenen kontura egindako salmentak (BEZaren eta PFEZaren ondorioetarako konputagarria ez den zenbatekoa).
- Bidaia-agentziak kobratzen duen komisioaren zenbatekoa, eragiketa lotua eta salbuetsi gabea izango da:
- Zerga-oinarria: 100
- BEZ mota: % 21
- Jasanarazitako BEZaren kuota: 21
- Fakturaren zenbatekoa guztira: 2.321 €
- Hartzaileari ematen zaion fakturaren datuak:
-
Ondasun erabilien, arte-objektuen, antzinako objektuen eta bilduma-objektuen araubide bereziari lotutako eragiketetan, bereizi egin beharko dira XML TicketBai fitxategian jasotzen diren datuak eta fakturan jasotzen direnak.
- Eragiketaren hartzaileari eman beharreko fakturari dagokionez:
BEZaren Foru Arauaren 138. artikuluaren arabera, araubide berezi hori aplikatu behar zaien eragiketak dokumentatzen dituzten fakturetan, subjektu pasiboek ezingo dute bereizita kontsignatu jasanarazitako kuota, eta eragiketaren guztizko prezioaren barruan dagoela ulertu behar da. Era berean, araubide berezi hori aplikatu dela adierazi beharko da fakturan.
- EEELan eragiketaren idatz-oharrari dagokionez:
XML TicketBai fitxategian, BEZaren eta zerga-arloan garrantzia duten eragiketen araubide bereziaren gakoa eremuan, 03 balioa jasoko da. Fakturaren zenbateko osoa, zerga-oinarria (BEZaren Foru Arauaren 137. artikuluan xedatutakoaren arabera kalkulatua, eragiketa bakoitzaren marjinagatik edo etekin globalagatik), tasa eta jasanarazitako kuota adieraziko dira, ezagutzen badira. PFEZren ondorioetarako diru-sarrerari dagokionez, kontuan izan behar da ez dela bat etorriko eragiketaren zerga-oinarriarekin, eta, beraz, "PFEZan sarreraren zenbatekoa BEZaren zerga-oinarriarekiko desberdina da" aukera markatu beharko da idatzoharrean, eta dagokion sarrera adierazi, jasanarazitako BEZa kontuan hartu gabe.
- Adibidea: zerga-oinarria eragiketa bakoitzaren marjinaren arabera kalkulatzen da:
- Ondasuna erosteko prezioa: 2.000 €.
- Salmenta-prezioa (BEZ barne): 2.500 €.
- Zerga-oinarria: [Marjina gordina]/(1 + BEZaren tasa) = [2.500 – 2.000]/(1 + % 21) = 413,22 €.
- BEZ kuota: 413,22* % 21 = 86,78 €.
- PFEZan sarreraren zenbatekoa BEZaren zerga-oinarriarekiko desberdina da: bai.
- PFEZaren sarreraren zenbatekoa: 2.500 – 86,78 = 2.413,22 €.
- Adibidea: zerga-oinarria mozkin-marjina globalaren arabera kalkulatzen da (zerga-oinarria eta jasanarazitako BEZa ez dira ezagutzen):
- Ondasuna erosteko prezioa: 2.000 €.
- Salmenta-prezioa (BEZ barne): 2.500 €.
- Zerga-oinarria: 0
- BEZ kuota: 0
- PFEZan sarreraren zenbatekoa BEZaren zerga-oinarriarekiko desberdina da: bai.
- PFEZaren sarreraren zenbatekoa: 2.500 €(kopuru hori doitu egin behar da gero, jasanarazitako BEZa diru-sarrera gisa kontuan ez hartzeko).
- Mozkin-marjina modu globalean kalkulatzen denean, likidazio-aldiaren amaieran kalkulatu ahal izango da zein izan den eragiketen zerga-oinarria eta jasanarazitako BEZa, eta dagokion idatzoharra egin beharko da 1.2 azpikapituluan – Software bermatzailerik gabe jaulkitako fakturen diru-sarrerak, EEELaren informazioa doitzeko.
- Eragiketaren hartzaileari eman beharreko fakturari dagokionez:
-
Horrela ezartzen du BEZaren Foru Arauaren 75.Bi artikuluak: «Aurreko atalean xedatutakoa gorabehera, zerga egitatea gauzatu baino lehenagoko ordainketa aurreratuak sortzen dituzten eragiketa kargagarrietan, benetan hartzen den zenbatekoengatiko prezioaren guztizko edo zatikako kobrantzaren unean izango du Zergak sortzapena».
Beraz, faktura bat egin behar da aurrerakina kobratzeko unean TicketBai sistemaren baldintzak betez (eragiketa BEZetik salbuetsita egon edo ez).
Zergapeko egitatea gauzatzen denean (ondasunak entregatzea edo zerbitzuak ematea), bigarren faktura bat egin beharko da, TicketBai sistemaren baldintzak ere betez, eta aurrerakina deskontatu beharko da bertan.
Hala ere, aurrerakin bat jasotzen denean, aurreratutako zenbatekoari dagokion BEZa sortzen da, baina ez beti PFEZn dagokion diru-sarrera.
Hori dela eta, PFEZeko sarrera sortzen ez bada, aurrerakinaren EEEL-140 liburuko idatzoharrean adierazi beharko da PFEZaren sarreraren zenbatekoa zero dela, PFEZaren ondorioetarako informazioan. Horrez gain, «Bai» laukitxoa markatu beharko da, PFEZean zenbatu beharreko sarrera BEZaren zerga-oinarria ez beste bat bada.
Behin betiko fakturarekin, ordaintzeke dagoen zenbatekoaren BEZaren zatia bakarrik sortuko da, baina PFEZn zenbateko osoa erregistratu beharko da, aurrerakinean ez baitzen inolako diru-sarrerarik egin.
240 izanez gero, BEZaren datuak baino ez lirateke jarri beharko, pertsona juridikoaren sarreraren zatia kontabilitatean islatu beharko baita.
-
PFEZren zergadunek EEEL-140ko fakturarik gabeko sarreren azpikapituluan jasoko dituzte ekoizpen zinematografikoen eta I+G+B proiektuen finantzaketan parte hartzetik eratorritako diru-sarrerak. Idatz-ohorra honela egingo da:
- Diru-sarrera mota: "Finantza-sarrerak (76 azpitaldea)"
- Ordaintzailea: EEELaren titularra bazkide den Interes Ekonomikoko Elkartearen datuak edo diru-sarrera horien ordaintzailearen datuak adieraziko dira.
- Sarrera finantzario horiek zergadunaren jarduera ekonomiko nagusiari egotziko zaizkio.
Diru-sarrera horiek ez dira fakturan dokumentatzen; beraz, EEEL-240aren kasuan, informazio hori, hala badagokio, kontabilitate-mugimenduen kapituluan jasoko da.
-
Jaulkitako fakturen idatzoharretan bi informazio mota bereiz daitezke:
- TicketBAI fitxategia osatzen duten fakturen datuak. Datu horiek ezin dira aldatu, TicketBAI fitxategia sinatutako fitxategi elektroniko bat delako. Faktura jasotzaileari entregatu ez bazaio, faktura deusezta daiteke TicketBai sistemaren bitartez (hala «Deuseztaturik» egoerara igaroko da), eta faktura berri bat jaulki ahal izango da (jasotzaileari entregatu beharko litzaioke, eta beste faktura-zenbaki eta -data bat izango luke). Hori aurreko faktura «apurtzea» izango litzateke, paperarekin arituko bagina. Faktura dagoeneko hartzaileari entregatu bazaio, faktura zuzentzailea jaulki daiteke, akatsak zuzenduta. Kontsulta dezakezu nola erregistratu ordezteagatiko eta aldeagatiko faktura zuzentzaileak, eta nola eman PFEZren diru-sarreraren zenbatekoaren berri, ohiko 48., 50. eta 228. galderetan, hurrenez hurren.
- PFEZari buruzko datuak, EEEL140ren kasuan. Jardueraren epigrafeari, PFEZren diru-sarreraren zenbatekoari eta errentaren kobrantza eta ordainketen irizpideari dagozkien datuak dira. Datu horiek EEELaren aplikazioan alda daitezke, idatzoharrez idatzohar. Akatsak idatzohar askori eragiten badie soilik egin ahal izango dira "doikuntza masiboak" 1.3. azpikapituluan (EEELaren fakturarik gabeko sarrerak), esteka honetan xedatutakoari jarraikiz: https://dfb.microsoftcrmportals.com/eu-ES/ARTICULO/?CODE=KA-01852
Erakutsiorrialde bakoitzeko
-
Eragiketaren hartzaileak jasotako fakturaren datuak erregistratuko ditu, eta "Subjektu pasiboaren Inbertsioa" eremuan jasoko ditu. Faktura horri dagokion jasandako kuota kalkulatu eta kontsignatu beharko du, baita «kuota Kenkagarria» eremua bete ere.
Ez da daturik erregistratuko jaulkitako sarreren eta fakturen kapituluan (140)/jaulkitako fakturen kapituluan (240)
-
Batasuneko hornitzailearengandik jasotako faktura idatzi beharko da jasotako gastuen eta fakturen kapituluan (140)/jasotako fakturen kapituluan (240), eta BEZ IFZ (02 balioa, "ID" eremuan, "Identifikazio mota bizi den herrialdean" eremuan) eta Batasun barruko Operadore Zenbakiaren bidez identifikatuko da. "Herrialde kodea" eremua ez da nahitaezkoa izango.
"BEZ araubideko kodea" eremuan, ondasunei eta zerbitzuak emateari buruzko batasun barruko 09 eskuratze-balioa jasoko da. Bestalde, faktura horri dagokion "jasandako BEZ kuota" kalkulatu eta kontsignatu beharko da, baita "BEZ kuota kengarria" eremua bete ere.
Kasu horietan, ez da "inbertsio Subjektu Pasiboa" eremuarekin informatu behar. Eremu hori bakarrik erabiltzen da aitortzailea zergaren subjektu pasiboa denean, Balio Erantsiaren gaineko Zergari buruzko azaroaren 9ko 7/1994 Foru Arauaren 84. artikuluaren 1. idatz-zatiko 2 eta 4. zenbakietan xedatutakoaren arabera, baldin eta ondasun eta zerbitzuen batasun barruko eskuraketez bestelako eragiketetatik badator.
Ez da daturik erregistratuko jaulkitako sarreren eta fakturen kapituluan (140)/jaulkitako fakturen kapituluan (240)
-
Ordainagiria egin duenak jasotako gastuen eta fakturen kapituluan (140)/jasotako fakturen kapituluan (240) erregistratuko du, "F6 Bestelako egiaztagiriak" faktura motarekin eta honako BEZ araubidearen gakoarekin: "02 Nekazaritzako, abeltzaintzako eta arrantzako araubide bereziari atxikitako pertsonei erosketetan enpresaburuek konpentsazioak ordaintzeko eragiketak".
Konpentsazioa kalkulatzeko oinarria izango da zerga-oinarria, eta fakturaren zenbateko osoa guztizko kontraprestazioa.
“Zerga-tasa” eta “jasandako kuota” eremuak hutsik utziko dira, eta “konpentsazio-ehunekoa REAGYP” eta “konpentsazio-zenbatekoa REAGYP” eremuak osatuko dira; “BEZ kengarria” gisa, konpentsazio kengarriaren zenbatekoa esleituko da.
-
Ez. Aplikatu beharreko hainbanaketaren ehunekoari buruzko informazioa dagokion BEZaren autolikidazio-ereduan eskainiko da.
Hala ere, jasotako fakturak jasotako gastuen eta fakturen kapituluan (140)/jasotako fakturen kapituluan (240) jasotzean, BEZ kuota kengarria eremua behin-behineko hainbanaketa aplikatuta bete beharko da, jasandako BEZaren kuota kengarriaren kalkuluari eragiten dioten beste inguruabar batzuk ere izan behar diren arren.
-
Bi dokumentu mota ditu:
- Eragiketaren kontabilitate-idatzoharraren euskarri den edozein dokumentu, egiten duena Erkidegoan finkatuta ez dagoen enpresaburu edo profesional bat denean (fakturazio-betebeharrak arautzen dituen Erregelamendua onartzen duen Bizkaiko Foru Aldundiaren urtarrilaren 22ko 4/2013 Foru Dekretuaren 2.4. artikulua).
- Fakturatzat hartzen ez diren baina kenkarirako eskubidea ematen duten dokumentuak. Liburuaren titularrak esleitzen dien zenbakiarekin erregistratuko dira; zenbaki hori ezin da izan data eta jaulkitzaile bereko beste baten berdina.
Adibideak: higiezina salerosteko eskritura publikoa, fakturarik egin ez bada, nekazaritza, basogintza edo arrantza-konpentsazioen ordainagiriak, aipatutako Fakturazio Erregelamenduaren 16.1 artikuluan aipatzen direnak.
-
BEZaren Erregelamenduaren 64.5 artikuluaren arabera, jasotako fakturen laburpen-idazpenak egin ahal izango dira honako baldintza hauek betetzen direnean:
- Fakturak data berean jasotzen badira.
- Hornitzaile bakar batengandik badatoz.
- Eragiketen zenbateko osoa, BEZik gabe, ez bada 6.000 eurotik gorakoa izango.
- Faktura bakoitzean dokumentatutako eragiketen zenbatekoa ez bada 500 eurotik gorakoa, BEZa barne hartu gabe.
-
Bai, jasotako gastuen eta fakturen kapitulurako (140)/jasotako fakturen kapitulurako (240). Hainbanaketa aplikatzen bada, "BEZ kuota kengarria" kontsignatu beharko da, behin-behineko kenkariaren ehunekoaren arabera.
-
Oro har, ez da beharrezkoa.
"F2", "F4" (fakturen laburpen-idazpena) eta "R5" (faktura sinplifikatu baten faktura zuzentzaile baterako) gakoak markatuta, BEZaren zerga-oinarria eta fakturaren guztizko zenbatekoa baino ez dira bete beharko. Ezin da "BEZ kuota kengarria" eremua adierazi. Honako eremu hauek bai adieraz daitezke: "zerga-tasa" eta "jasandako BEZ kuota".
Zehazki, 140 ereduari dagokionez, "gastuaren kontzeptua" adierazi behar da, hala badagokio, "gastuari lotutako ondasunaren/taldearen erreferentzia", eta "PFEZren gastuaren zenbatekoa".
-
ADB bakoitza F5 kodearekin eta dagokion onarpen-datarekin erregistratu beharko da. Hala ere, ADB horiek data berean erregistratzen badira kontabilitatean, horniketarako epea berbera izango da, eta guztiak batera bidali ahal izango dira.
-
Bai, kontuan hartuta fakturaren zenbatekoari dagozkion eremuetan "zerga-oinarria" baino ez dela kontsignatu beharko, eta "BEZ kuota kengarria" zero balioarekin agertu beharko dela.
Erakutsiorrialde bakoitzeko
-
240 ereduko inbertsio-ondasunen kapituluan idatzoharrak egin behar dira soilik zergadunaren inbertsio-ondasunen kuota kengarriak BEZaren ondorioetarako erregularizatu behar direnean, BEZaren Foru Arauaren 107. artikuluan jasotako baldintzak betetzen direlako.
Inbertsio-ondasunak erregularizatzea bidezkoa bada, erregularizazio hori, oro har, urtearen amaieran egingo da (une horretan, urte horri dagokion behin betiko kenkariaren ehunekoa eta jasanarazpena jasan zen urtean nagusitu zen kenkariaren ehunekoa alderatuko dira). Beraz, kasu horretan, inbertsio-ondasunaren erregularizazioaren idatzoharra kapitulu honetan egiteko epea hurrengo urteko urtarrilaren 31ra artekoa izango da.
Hala ere, inbertsio-ondasuna erregularizatzeko arrazoia ondasun horren eskualdaketa bada, BEZaren kuoten erregularizazioaren idatzoharra kapitulu honetan egiteko epea eragiketa egiten den unetik apirilaren, uztailaren edo urriaren 25era artekoa izango da, edo urtarrilaren 31ra artekoa, eragiketa zein hiruhilekotan egin den kontuan hartuta.
-
Ondare-irabaziak edo ondare-galerak jarduerari atxikitako ondasun baten eskualdaketarekin lotuta daudenean:
- Eragiketa " Egindako fakturak eta diru-sarrerak" kapituluan erregistratu beharko da, 1.1 azpikapituluan – Diru-sarrerak Software bermatzailearekin egindako fakturekin edo 1.2 azpikapituluan -Diru-sarrerak Software bermatzailerik gabe egindako fakturekin. PFEZren ondorioetarako diru-sarrera BEZaren zerga-oinarriaren desberdina dela adierazi beharko da, eta PFEZn zenbatu beharreko sarrera zero dela adieraziko da.
- "Atxikitako ondasunak eta/edo inbertsiokoak" kapituluan, baja eman beharko zaio eskualdatutako ondasunari, "Arrazoia" eremuan "T-Transmisioa" gakoa jarriz, eta ondare-irabazia edo -galera adieraziko da.
Ondare-irabazia edo ondare-galera jarduerari lotutako ondasunak eskualdatzetik eratortzen ez bada:
"Inbertsio ondasunak" kapituluan, baja eman beharko zaio eskualdatutako ondasunari, "Arrazoia" eremuan "Beste batzuk" gakoa jarriz, eta ondare-irabazia edo ondare-galera adieraziko da.
Erakutsiorrialde bakoitzeko
13 emaitz
-
Batuz sistemara behartuta dauden zergadunen PFEZaren edo sozietateen gaineko zergaren kuota murrizteko aukera ematen duen kenkaria da; zehazki, Batuz sistema ezartzeko beharrezkoak diren eta 2020, 2021, 2022, 2023, 2024 eta 2025 urte naturaletan egiten diren inbertsio eta gastuen % 30 murrizteko aukera ematen du. Hauek ematen dute kenkaria egiteko eskubidea:
- Ekipamenduak eta terminalak eskuratzeak, softwarea eta lotutako periferikoak barne, Batuz-en betebeharrak bete ahal izateko.
- Jardueraren barruan egindako ondasun-emateak eta zerbitzu-prestazioak dokumentatzen dituzten erregistroei dagozkien betebeharrak betetzeko ezarri beharreko sinadura elektronikoko softwarea eskuratzeak.
- Ekipamendu eta sistema horiek instalatu eta ezartzeak.
Batuz kenkaria Batuz sistema ezartzen duen uztailaren 15eko 5/2020 Foru Arauan ezarritako xedapen hauetan arautzen da: sozietateen gaineko zergari buruzko foru-arauaren hogeita bosgarren xedapen iragankorra, pertsona fisikoen errentaren gaineko zergari buruzko foru-arauaren hogeita bederatzigarren xedapen iragankorra, eta ez-egoiliarren errentaren gaineko zergari buruzko foru-arauaren bigarren xedapen iragankorra.
Kenkaria 2024ra eta 2025era zabaltzen duen araudia BATUZ sistema behin betiko ezartzeko neurriak onartzen dituen 8/2023 Foru-Araua da.
-
Batuz sistema behin betiko ezartzeko neurriak onartzen dituen 8/2023 Foru-Arauaren arabera, 2020tik 2025era bitarteko urte naturaletan (hau da, 2020ko urtarrilaren 1etik 2025eko abenduaren 31ra) egindako inbertsioek eta gastuek Batuz kenkaria jasotzeko eskubidea emango dute, zergadunaren zergaldia edozein dela ere.
Hau da, SZren zergadunentzat 2020tik 2025era bitarteko urte naturaletan egindako inbertsioak eta gastuak soilik izango dira pizgarriak, baita inbertsio eta gastu horiek 2019an hasitako eta 2020an amaitutako zergaldi batean edo 2025ean hasitako eta 2026an amaitutako zergaldi batean sartzen badira ere, zergadunaren aldia urte naturalarekin bat ez datorrenean.
-
Batuz sistema behin betiko ezartzeko neurriak onartzen dituen 8/2023 Foru-Arauaren arabera, 2020tik 2025era bitarteko urte naturaletan Batuz sistema ezarri ahal izateko egindako jarduketei dagozkien gastuak eta inbertsioak biltzen ditu kenkariak, hau da, zergadunak Batuz sisteman nahitaez sartu behar den egunetik aurrera sistema bete ahal izateko beharrezkoak diren softwarea eta ekipo informatikoak eskuratzeko prozesuaren barruan.
Softwarearen esparruan, prozesu hori egungo sistema informatikoaren egokitzapena izan daiteke, bai eta eguneratzea edo Batuz proiektuaren betebeharrak betetzea ahalbidetuko duen sistema informatiko berri bat ezartzea ere.
Kenkariaren oinarria Batuz proiektuarekin lotuta egokitu, garatu edo eguneratu diren sistema informatikoko moduluen kostuaren arabera zehaztuko da (proiektu horrek, funtsean, fakturazio-sistemari eta enpresa baten kontabilitatea eramateari eragiten die), eta ez beste gai batzuen arabera (esaterako, langileen kudeaketa, biltegiaren kontrola, kobrantzen eta ordainketen kudeaketa, etab.).
Kenkaria justifikatzeko, kasu bakoitzerako egokia den froga-dokumentazioa aurkeztu beharko da, hala nola ekipo informatikoen erosketa-fakturak edo softwarearen erosketa- edo harpidetza-fakturak, enpresa informatikoak egindako kostuaren balorazioa, jasotako faktura Batuz proiektuak eskatutakoa baino irismen handiagokoa denean, zergadunak berak kostuaren balorazioa, garapena barnetik egiten denean eta hirugarrenekin kontratatzen ez denean, etab.
-
Zergadun hauek aplikatu dezakete Batuz kenkaria:
- Jarduera ekonomiko bat egiten duten pertsona fisikoek.
- Pertsona juridikoek eta sozietateen gaineko zergaren gainerako erakunde zergadunek. Bereziki eta salbuespenez, ondare-sozietatetzat hartzen diren sozietateen gaineko zergaren zergadunek sortu eta aplikatu dezakete kenkari hori.
- Establezimendu iraunkor baten bidez jarduten duten zergadun ez-egoiliarrek.
-
Batuz kenkaria kuota osoari aplikatzen zaion kenkaria da; beraz, kuota likidoa 0ra murriztu dezake. Hau da, kenkari horren aplikazioa ez du mugatzen gutxieneko tributazioaren arauak. Era berean, kenkari horren aplikazioari ez diote eragiten kuota likidoaren gaineko kenkarietarako aurreikusitako aplikazio-mugek (kuota horren 100eko 35 edo 100eko 70), baina mugatzen dute zergaren benetako kuota kalkulatzeko inbertsioengatiko eta gastuengatiko kenkari gehienen ordez aplikatzea.
-
Kenkaria sortu zen urtea eta hurrengo 30 urteak. Hau da, zergadunaren kuota nahikoa ez izateagatik onura fiskal hori sortzeko aldian kendu ez diren Batuz kenkariaren kopuruak hurrengo hogeita hamar urte jarraituetan amaitzen diren zergaldien aitorpenetan aplikatu ahal izango dira.
-
Bai. Kenkariaren oinarria kalkulatzeko, murrizketa hau egin beharko da: inbertsio eta gastu horiek egiteko jasotako dirulaguntzen gainean portzentaje bat aplikatzearen ondoriozko zenbatekoa, hain zuzen, 100 eta kenkari hau aplikatzen duen erakundeari aplikatzekoa den karga-tasaren arteko diferentziaren ondoriozko portzentajea aplikatzearen ondoriozkoa.
-
Ez. Salbuespenez, Batuz kenkariaren oinarria kalkulatzeko, Batuz sistema ezartzeko beharrezkoak diren inbertsioak eta gastuak eskuratzeko prezioaren parte den jasandako BEZ ez-kengarria hartuko da kontuan.
-
Bai. Batuz kenkariak berariaz arautzen du hirugarrenei ondasunak eta zerbitzuak eskuratuz egiten diren gastuei eta inbertsioei dagokien kenkariaren oinarria (batez ere hitzartutako kontraprestazioak osatuko duela adierazten da). Hala ere, Batuz sistema ezartzeko enpresak berak egindako inbertsioek eta gastuek ere ematen dute kenkari horretarako eskubidea. Kasu honetan, kenkariaren oinarria finkatzeko, dagokion ondare-elementuaren ezarpen-kostuari erreparatu behar zaio.
-
Ez. BATUZ sistema behin betiko ezartzeko neurriak onartzen dituen 8/2023 Foru-Arauaren arabera, BATUZ kenkariaren oinarria honako hauek dira: 2020tik 2025era bitarteko urte naturaletan zergadunak BATUZ sistemaren nahitaezko aplikazioa dagokion aldian betetzeko egin dituen inbertsioak eta gastuak, alde batera utzita, hala badagokio, zergadunak 2020tik 2025era bitartean TicketBAI sistemaren bidez borondatez jaulkitzen dituen edo ez.
Erakutsiorrialde bakoitzeko
17 emaitz
-
2022ko urtarrilaren 1etik aurrera, zergadunek borondatez aplikatu ahal izango dute Batuz sistema, nahitaez sartu beharreko data iritsi baino lehen; kasu horretan, konpentsazioa jasotzeko eskubidea izango dute.
-
Bai. Horretarako, BFAren egoitza elektronikoan eskuragarri dagoen inprimaki elektronikoa bete beharko da. Informazio gehiago duzu 195. ohiko galderan.
-
Batuz borondatez aplikatu nahi duen zergadunak BFAren egoitza elektronikoan eskuragarri dagoen formulario elektronikoaren bidez eman beharko du izena. Batuz borondatez aplikatzeagatiko aukera ezeztaezina da.
Izena emateko epeak honako hauek dira, eta aldatu egingo dira Batuz sistema bete behar den unearen arabera:
- 2021eko abendutik 2022ko urtarrilaren 14ra bitartean izena ematea (2022ko urtarrilaren 1etik aplikatuko da Batuz borondatez).
- 2022ko otsailaren 1etik martxoaren 5era bitartean izena ematea (2022ko apirilaren 1etik aplikatuko da Batuz borondatez).
- 2022ko apirilaren 1etik 2022ko ekainaren 5era bitartean izena ematea (2022ko uztailaren 1etik aplikatuko da Batuz borondatez).
- 2022ko uztailaren 1etik irailaren 15era bitartean izena ematea (2022ko urriaren 1etik aplikatuko da Batuz borondatez).
- 2022ko urriaren 1etik abenduaren 15era bitartean izena ematea (2023ko urtarrilaren 1etik aplikatuko da Batuz borondatez).
- 2023ko urtarrilaren 1etik martxoaren 15era bitartean izena ematea (2023ko apirilaren 1etik aplikatuko da Batuz borondatez).
- 2022ko apirilaren 1etik ekainaren 15era bitartean izena ematea (2023ko uztailaren 1etik aplikatuko da Batuz borondatez).
- 2023ko uztailaren 1etik irailaren 15era bitartean izena ematea (2023ko urriaren 1etik aplikatuko da Batuz borondatez).
- 2023ko azaroaren 23tik abenduaren 22ra bitartean izena ematea (2024ko urtarrilaren 1etik aplikatuko da Batuz borondatez).
- 2024ko urtarrilaren 1etik ekainaren 15era bitartean izena ematea (2024ko uztailaren 1etik aplikatuko da Batuz borondatez).
- 2024ko uztailaren 1etik abenduaren 15era bitartean izena ematea (2025eko urtarrilaren 1etik aplikatuko da Batuz borondatez).
- 2025eko urtarrilaren 1etik ekainaren 15era bitartean izena ematea (2025eko uztailaren 1etik aplikatuko da Batuz borondatez).
-
Ondorengo betebehar hauek bete beharko dira:
- Pertsonak bere jarduera ekonomikoaren garapenean egiten dituen ondasun-emate eta zerbitzugintzengatik emandako fakturak eta egiaztagiriak TicketBAI software bermatzaile baten bidez egitea.
- Eta Eragiketa Ekonomikoen Erregistro Liburua eramatea Bizkaiko Foru Aldundiaren egoitza elektronikoan.
-
2022an 2023an, inskripzioak izena eman eta hurrengo hiruhileko naturalean izango ditu ondorioak (eta, beraz, une horretatik aurrera bete beharko da Batuz). Adibidez:
- Izena 2022ko apirilaren 10ean ematen bada: Batuz bete beharko da 2022ko uztailaren 1etik aurrera.
- Izena 2022ko uztailaren 10ean ematen bada: Batuz bete beharko da 2022ko urriaren 1etik aurrera.
2024an eta 2025ean inskripzioak hurrengo seihileko naturalean izango ditu ondorioak, inskripzioa egin den unean. Adibidez:
- Izena 2024ko otsailaren 10ean ematen bada: Batuz bete beharko da 2024ko uztailaren 1etik aurrera.
- Izena 2024ko apirilaren 10ean ematen bada: Batuz bete beharko da 2024ko uztailaren1etik aurrera.
-
Borondatezko aplikaziorako dagokion formulario elektronikoan inskribatuta egonik, Batuz betebeharrak zergadunak sistema nahitaez bete behar duen aldia baino lehen, 8/2023 Foru Arauan xedatutakoaren arabera ez betetzeak PFEZ, SZ edo EEEZn konpentsazio berezia galtzea ekarriko du, baldin eta zergadunak horretarako eskubidea badu.
Beraz, zergadunak ez-betetzea gertatu den zergaldiaren aitorpenean konpentsazioari dagokion kuota sartu beharko du, dagozkion berandutze-interesekin batera.
Batuz sistemaren betebeharrak ez betetzeagatiko zehapen-araubide espezifikoa sistema hori nahitaezkoa denean soilik aplikatuko da.
Hala ere, Batuz betebeharrak jakinarazpena egin den unearen arabera dagokiona baino geroago hasten badira betetzen, zergadunak Batuz betebeharrak benetan eta era eragingarrian bete diren 2022ko eta 2023ko hiruhileko natural osoaren lehen egunari dagokion konpentsazio-ehunekoa aplikatu ahal izango du (2024 eta 2025 aldiei aplika dakiekeen konpentsazio-ehunekoa ez da aldatzen). Zergadunaren erantzukizuna da SZren, PFEZ edo EEEZren aitorpena aurkeztean benetan dagokion konpentsazio-ehunekoa zainpetzea, baldin eta ehuneko hori ez badator bat aukeraren jakinarazpena aurkezteari dagokionarekin.
Adibidea:
Zergadun batek 2022ko otsailaren 20an egin zuen Batuz aplikatzeko borondatezko aukeraren jakinarazpena. Beraz, 2022ko apirilaren 1etik aurrera hasi beharko luke Batuz betebeharrak betetzen, eta % 13ko konpentsazio bereziaz baliatu ahal izango da. Hala ere, zergadunak 2022ko apirilaren 30etik aurrera benetan eta era eragingarrian betetzen badu Batuz, betebeharrak benetan bete diren hiruhileko natural osoaren lehen egunari dagokion konpentsazio-ehunekoa aplikatuko zaio. Zergadunak Batuz betebeharrak betetzen dituen hiruhileko natural osoaren lehen eguna 2022ko uztailaren 1a izango litzateke eta, beraz, % 11ko konpentsazio-ehunekoa aplikatu ahal izango luke.
-
Zergadunek Pertsona Fisikoen Errentaren gaineko Zergari buruzko Foru Arauaren 11. artikuluan aipatzen den errentak esleitzeko araubidea aplikatzen dutenean, jakinarazpena errenta-esleipenaren araubidean dagoen erakundeak berak egin beharko du, (ondasun-erkidegoa, sozietate zibila edo bestelako EEAE mota bat).
-
Batuz borondatez aplikatzeagatiko konpentsazioa PFEZ, SZ edo EEEZren zerga oinarria murriztean datza. Murrizketaren ehunekoa desberdina izango da Batuz borondatez betetzen hasten den aldiaren arabera.
- PFEZren zergadunentzat, konpentsazioa jarduera ekonomiko bakoitzeko etekin garbi positiboaren murrizketa izango da. Ondorio horietarako:
- PFEZren Foru Arauaren 25. artikuluko 3. paragrafoan aipatzen diren ondare-irabazi eta -galerei dagozkien zenbatekoak ez dira etekin garbian sartuko.
- Etekina zuzeneko zenbatespen erraztuaren metodoa erabiliz kalkulatzen duten zergadunen kasuan, PFEZren Foru Aginduaren 28. artikuluko 1. paragrafoaren b) letran aipatzen den amortizazio, narriaduragatiko galerak eta justifikatzeko gaitzak diren gastuengatiko koefizientea aplikatu baino lehenagoko etekinari aplikatuko zaio konpentzazioa.
- SZ eta EEEZren zergadunen kasuan, konpentsazioa zerga-oinarri positiboaren murrizketa izango da.
- Konpentsazioa SZren Foru Arauaren IV. Tituluko V. Kapituluan araututako emaitzaren aplikazioari dagozkion zuzenketak eta Foru Arau horretako 32.4 artikuluan arautzen den mikroenpresen tamainari atxikitutako zailtasunengatiko konpentsazioa aplikatu baino lehenagoko zerga-oinarrian aplikatuko da.
- Sozietateen gaineko Zergari buruzko Foru Arauaren VI. Tituluko VI. Kapituluan araututako araubide berezia aplikatzen duen talde fiskal bateko entitate batek konpentsazio hori aplikatzeko eskubidea sortzen badu, talde fiskalaren zerga-oinarrian aplikatu ahal izango da konpentsazio horren zenbatekoa, erakunde horren zerga-oinarri indibidualaren gainean kalkulatuta.
- PFEZren zergadunentzat, konpentsazioa jarduera ekonomiko bakoitzeko etekin garbi positiboaren murrizketa izango da. Ondorio horietarako:
-
Konpentsazioaren ehunekoa sistemara atxikitzen den unearen arabera aldatzen da. Alde batetik, 2022 eta 2023 urteetan 8 leiho atxiki daitezke, hiruhileko naturalekin bat datozenak. Bestalde, 2024 eta 2025 urteetan borondatez atxiki daiteke seihileko natural bakoitzean. (ikusi 195. ohiko galdera).
Sartze-unearen arabera ehunekoak hurrengo hauek dira:
- 2022ko urtarrilaren 1a: % 15
- 2022ko apirilaren 1a: % 13
- 2022ko uztailaren 1a: % 11
- 2022ko urriaren 1a: % 9
- 2023ko urtarrilaren 1a: % 5
- 2023ko apirilaren 1a: % 4
- 2023ko uztailaren 1a: % 3
- 2023ko urriaren 1a: % 2
- 2024ko ekitaldian, murrizketaren ehunekoa % 10 izango da honako kasu hauetan:
- Nolanahi ere, Batuzen borondatezko laneratzea 2022ko edo 2023ko ekitaldian egin bada.
- Batuzi borondatez 2024an aplikatzen bazaio, murrizketaren ehunekoa % 10ekoa izanen da, baldin eta, aldi horretan, 8/2023 Foru Arauaren arabera, sistema gutxienez 6 hilabetez betetzen bada behin betiko ezarpenaren datarekiko.
- 2025eko ekitaldian, murrizketaren ehunekoa % 10ekoa izango da, baldin eta aldi horretan 8/2023 Foru Arauarekin bat etorriz sistema behin betiko ezartzeko datarekiko gutxienez 6 hilabete aurreratzen bada, bai atxikipena 2022an edo 2023an egiten bada, bai atxikipena 2024tik aurrera egiten bada.
Adibidez, 2022ko urtarrilaren 1etik aurrera lanean hasten bada, konpentsazio-ehunekoa honako hau izango da:
- % 15eko konpentsazioa 2022. eta 2023. urteetarako.
- % 10eko konpentsazioa 2024rako.
- 2025ean, % 10eko konpentsazioa jasotzeko eskubidea izango da, 8/2023 Foru Arauaren arabera Batuz sistema nahitaez aplikatzeko data 2025eko uztailaren 1a edo 2026ko urtarrilaren 1a bada.
Adibidez, 2023ko laugarren hiruhilekoan sartzen bada, konpentsazio-ehunekoa honako hau izango da:
- % 2ko konpentsazioa 2023rako.
- % 10eko konpentsazioa 2024rako.
- 2025ean, % 10eko konpentsazioa jasotzeko eskubidea izango da, 8/2023 Foru Arauaren arabera Batuz sistema nahitaez aplikatzeko data 2025eko uztailaren 1a edo 2026ko urtarrilaren 1a bada.
-
Honako pertsona eta erakunde hauek izango dute Batuz sistema borondatez aplikatzeagatiko konpentsaziorako eskubidea:
- Jarduera ekonomikoak egiten dituzten PFEZren zergadunek.
- SZren Foru Arauaren 13. artikuluan xedatutakoaren arabera mikroenpresa, enpresa txiki edo ertaintzat hartzen diren zergadunak.
- Sozietateen gaineko Zergari buruzko Foru Arauaren 12. artikuluan xedatutakoaren arabera eragiketak partzialki salbuetsita dituzten erakundeak eta irabazteko asmorik gabeko entitateen eta mezenasgorako zerga-pizgarrien zerga-araubideari buruzko martxoaren 20ko 4/2019 Foru Arauaren II. Tituluan araututa dagoen irabazi-asmorik gabeko erakundeei aplikatzen zaien zerga-araubide bereziari atxikitako entitateak.
- Eta, mikroenpresa, enpresa txiki edo ertaintzat hartzeko baldintzak betetzen dituzten neurri txikiko kooperatibak, Sozietateen gaineko Zergari buruzko Foru Arauaren 13. artikuluan xedatutakoaren arabera.
Erakutsiorrialde bakoitzeko
14 emaitz
-
Hauxe da jarduera nagusia:
- Pertsona fisikoak eta errentak esleitzeko araubidean dauden entitateak (EEAE): Batuz sisteman behin betiko ezarri behar den eguna baino lehen amaitutako PFEZaren azken zergaldian eragiketa-bolumen handiena eduki duena. Bestela, jarduera ekonomikoen gaineko zergan zenbaki txikiena daukan elkartzearena izango da jarduera nagusia.
- Establezimendu iraunkor baten bidez ari diren sozietateen gaineko zergaren edo EEEZren kargapeko zergadunak: sozietateen gaineko zergaren edo EEEZren autolikidazioan “jarduera nagusi” modura ageri dena.
-
Sozietateen gaineko zergaren Foru Arauak 13. artikuluan mikroenpresa, enpresa txikia edo enpresa ertaina izateko xedatzen duena betetzen ez duten entitateak nahitaez sartu behar dira Batuz sisteman 2024ko urtarrilaren 1ean, dena dela beren jarduera nagusia, honako hauek izan ezik: sozietateen gaineko zergaren kargatik salbuetsita eta modu partzialean salbuetsita dauden entitateak (Sozietateen gaineko zergaren Foru Arauaren 12. artikuluan arautzen direnak) eta Irabazteko asmorik gabeko entitateen eta mezenasgorako zerga-pizgarrien zerga-araubideari buruzko 4/2019 Foru Arauan ezarritako irabazteko asmorik gabeko entitateen zerga-araubide berezian dauden entitateak.
-
253
Berria
2023/09/28
Zer egunetan ezarri behar dira behin betiko Batuz sisteman ondare-sozietateak?
Sozietateen gaineko zergaren Foru Arauaren 14. artikuluan aipatzen diren ondare-sozietateek nahitaez bete beharko dute Batuz sistema 2024ko urtarrilaren 1etik aurrera, ezin baitira hartu mikroenpresatzat, ez enpresa txikitzat, ez enpresa ertaintzat, Sozietateen gaineko zergaren Foru Arauaren 13. artikuluaren arabera.
-
Sozietateen gaineko zergaren kargatik modu partzialean salbuetsita dauden entitateek eta Irabazteko asmorik gabeko entitateen eta mezenasgorako zerga-pizgarrien zerga-araubideari buruzko 4/2019 Foru Arauan ezarritako irabazteko asmorik gabeko entitateen zerga-araubide berezian dauden entitateek nahitaez bete beharko dute Batuz sistema 2026ko urtarrilaren 1etik aurrera, tamaina eta jarduera nagusia gorabehera.
-
Sozietateen gaineko zergaren kargatik salbuetsita eta modu partzialean salbuetsita dauden entitateek (Sozietateen gaineko zergaren Foru Arauaren 12. artikuluan arautzen direnek) nahitaez bete beharko dute Batuz sistema 2026ko urtarrilaren 1etik aurrera, tamaina eta jarduera nagusia gorabehera.
-
Mikroenpresa, enpresa txiki eta enpresa ertain kontzeptua, Batuzen nahitaez sartzeko egutegian aipatzen dena, SZren Foru Arauaren 13. artikuluan definitzen da, eta horren arabera:
Mikroenpresa baldintza hauek batera betetzen dituena izango da:
- Ustiapen ekonomikoa egitea.
- Aktiboa edo eragiketa-bolumena 2 milioi eurotik gorakoa ez izatea.
- Plantillaren batez bestekoa 10 langile baino gutxiagokoa izatea.
- Aurretik adierazitako betekizunetako bat betetzen ez duen enpresa batek haren gaineko %25 edo gorako partaidetzarik ez izatea, arrisku-kapitaleko sozietate edo funtsen salbuespen jakin batzuetan izan ezik.
Enpresa txiki bat baldintza hauek batera betetzen dituena izango da:
- Ustiapen ekonomikoa egitea.
- Aktiboa edo eragiketa-bolumena 10 milioi eurotik gorakoa ez izatea.
- Plantillaren batez bestekoa 50 langile baino gutxiagokoa izatea.
- Aurretik adierazitako betekizunetako bat betetzen ez duen enpresa batek haren gaineko %25 edo gorako partaidetzarik ez izatea, arrisku-kapitaleko sozietate edo funtsen salbuespen jakin batzuetan izan ezik.
Enpresa ertain bat honako baldintza hauek batera betetzen dituena izango da:
- Ustiapen ekonomikoa egitea.
- Aktiboa 43 milioi eurotik gorakoa ez izatea, edo eragiketa-bolumena 50 milioi eurotik gorakoa ez izatea.
- Plantillaren batez bestekoa 250 langile baino gutxiagokoa izatea.
- Aurretik adierazitako betekizunetako bat betetzen ez duen enpresa batek haren gaineko %25 edo gorako partaidetzarik ez izatea, arrisku-kapitaleko sozietate edo funtsen salbuespen jakin batzuetan izan ezik.
Baldintza horiek SZren sortzapenaren aurreko zergaldian bete behar dira.
Tamaina txikiko kooperatibak mikroenpresatzat, enpresa txikitzat edo enpresa ertaintzat har daitezke, aurreko baldintzak betetzen badituzte.
-
Sozietateen gaineko zergatik salbuetsita eta partzialki salbuetsita dauden entitateak Foru Arauaren 12. artikuluan zehazten dira; horren arabera:
- Zergatik salbuetsita daude:
- Lurraldeko administrazio publikoak, haien organismo autonomoak eta azken horien antzeko izaera duten zuzenbide publikoko entitate edo organismoak.
- Gizarte Segurantzaren kudeaketaren ardura duten erakunde publikoak.
- Eusko Ikaskuntza - Sociedad de Estudios Vascos, Euskaltzaindia - Real Academia de la Lengua Vasca, Real Sociedad Bascongada de los Amigos del País Vasco - Euskal Herriaren Adiskideen Elkartea, Eleizbarrutiko «Estanislao J. Labayru» Ikastegia - Instituto Diocesano «Estanislao J. Labayru», eta Ekonomia Ituna sustatu eta hedatzeko «Ad Concordiam» elkartea.
- Zergatik partzialki salbuetsita daude:
- Irabazizkoak ez diren erakundeen zerga-araubideari eta mezenasgoari emandako zerga-pizgarriei buruzko Foru Arauan ezarritako zerga-araubidea edukitzeko baldintzak betetzen ez dituzten irabazteko asmorik gabeko entitate eta instituzioak.
- Kooperatiben batasun, federazio eta konfederakundeak.
- Profesionalen elkargoak, enpresaburu eta profesionalen elkarteak, ganbera ofizialak, arrantzaleen kofradiak, langileen sindikatuak eta alderdi politikoak.
- Enplegua sustatzeko funtsak.
- Gizarte Segurantzaren kolaboratzaile diren mutualitateak; Gizarte Segurantzari buruzko Lege Orokorraren Testu Bateginean arautzen dira, zeina 2015eko urriaren 30eko 8/2015 Legegintzako Errege Dekretuaren bidez onartu zen.
- Zergatik salbuetsita daude:
-
Honako hauek izan daitezke errentak esleitzeko araubideko entitateak:
- Ondasun-erkidegoak, jabeen erkidegoak barne.
- Jaso gabeko jarauntsiak.
- Sozietate zibilak.
- Nortasun juridikorik eduki ez arren, zergapeko unitate ekonomikoa edo ondare bereizia diren entitateak.
- Atzerrian eratutako entitateak, hain zuzen ere Espainiako legeen arabera errentak esleitzeko araubideko entitateen izaera juridiko bera edo antzekoa dutenak.
-
Mikroenpresatzat, enpresa txikitzat edo enpresa ertaintzat hartzeko xedapenak betetzen ez duten erakundeek (SZren Foru Arauaren 13. Artikulua) 2024ko urtarrilaren 1etik aurrera nahitaez bete beharko dute Batuz, jarduera ekonomiko nagusia edozein dela ere.
Zehazki, Sozietateen gaineko Zergari buruzko Foru Arauaren 14. artikuluan aipatzen diren ondare-sozietateak nahitaez hasi behar dira Batuzekin data horretatik aurrera.
-
Pertsona fisikoek, errentak esleitzeko araubidean dauden entitateek (EEAE) eta mikroenpresak, enpresa txikiak edo enpresa ertainak diren SZaren zergadunek, nahitaez bete beharko dute Batuz 2024ko uztailaren 1etik aurrera, baldin eta beren jarduera ekonomiko nagusia Jarduera Ekonomikoen gaineko Zergaren tarifen ondorengo zatiketa edo elkartzetan jasotakoetako bat bada (Ekonomi Ihardueren gaineko Zergako Tarifak eta Jarraipidea onesten dituen 1/1991 Foru Dekretua Arauemaileak onartzen dituena):
LEHEN SAILATALA. ENPRESA IHARDUERAK, INDUSTRIALAK, MERKATARITZAZKOAK, ZERBITZUGINTZA ETA MEAGINTZA:
- 1 ZATIKETA. ENERGIA ETA URA.
- 2 ZATIKETA. ENERGIARIK GABEKO MEA ETA EKOIZKIN ERATORRIEN ERAUZKETA ETA TRANSFORMAZIOA, INDUSTRI KIMIKOA.
- 3 ZATIKETA. METALEN TRANSFORMAGINTZAK. ZEHAZTASUNEZKO MEKANIKA.
- 4 ZATIKETA. MANUFAKTURAZKO BESTE INDUSTRIA BATZUK.
- 5 ZATIKETA. ERAIKINTZA.
- 7 ZATIKETA. GARRAIO ETA KOMUNIKABIDEAK.
- 8 ZATIKETA. FINANTZ ERAKUNDEAK, ASEGURUAK, ENPRESEI EMANDAKO ZERBITZUAK ETA ALOGERAK.
- 9 ZATIKETAren (BESTE ZERBITZU BATZUK) hurrengo elkartzeak:
- 92. ELKARTZEA. SANEAMENDU, GARBIKETA ZERBITZUAK ETA ANTZEKOAK. SUTEEN AURKAKO ZERBITZUAK ETA ANTZEKOAK.
- 94. ELKARTZEA. SANITATEA ETA ALBAITARITZA ZERBITZUAK.
BIGARREN SAILATALA PROFESIONARIEN IHARDUERAK:
- 0 ZATIKETA. NEKAZARITZA, ABELTZANTZA, EHIZA, OIHANLANGINTZA ETA ARRANTZAREKIN ZERIKUSIRIK DUTEN PROFESIONARIAK.
- 1 ZATIKETA. ENERGIA, URA, MEATZARITZA ETA INDUSTRIA KIMIKOAREKIN ZERIKUSIRIK DUTEN PROFESIONARIAK.
- 2 ZATIKETA. AERONAUTIKA, TELEKOMUNIKAZIO ETA ZEHAZTASUNEZKO MEKANIKA INDUSTRIAREKIN ZERIKUSIRIK DUTEN PROFESIONARIAK.
- 3 ZATIKETA. MANUFAKTURAZKO BESTE INDUSTRIEKIN ZERIKUSIRIK DUTEN PROFESIONARIAK.
- 4 ZATIKETA. ERAIKUNTZAREKIN ZERIKUSIRIK DUTEN PROFESIONARIAK.
- 5 ZATIKETA. MERKATARITZA ETA OSTALARITZAREKIN ZERIKUSIRIK DUTEN PROFESIONARIAK.
- 6 ZATIKETA. GARRAIO ETA KOMUNIKABIDEEKIN ZERIKUSIRIK DUTEN PROFESIONARIAK.
- 7 ZATIKETA. FINANTZ, ASEGURU ETA ALOGERA IHARDUEREKIN NAHIZ JURIDIKOEKIN ZERIKUSIRIK DUTEN PROFESIONARIAK.
- 8. ZATIKETAren (BESTE ZERBITZUEKIN ZERIKUSIRIK DUTEN PROFESIONARIAK) hurrengo elkartzeak:
- 81. ELKARTZEA. GARBIKETA ZERBITZUETAN DIHARDUTEN PROFESIONARIAK.
- 83. ELKARTZEA. SANITATEKO PROFESIONARIAK.
- 84. ELKARTZEA. IHARDUERA PARASANITARIOEKIN ZERIKUSIRIK DUTEN PROFESIONARIAK.
- 87. ELKARTZEA LOTERIA, APOSTU ETA GAINERAKO ZORI, ENBITE ETA ADUR JOKOEKIN ZERIKUSIRIK DUTEN PROFESIONARIAK.
- 88. ELKARTZEA. HAINBAT PROFESIONARI EZBERDIN.
- 89. ELKARTZEA. ZATIKETA HONEK AIPATU ZERBITZUEKIN ZERIKUSIRIK DUTEN BESTE PROFESIONARIAK.
Erakutsiorrialde bakoitzeko
12 emaitz
-
PFEZaren 2025eko aitorpenaren zirriborroan EEEL-140 aplikazioko idatzoharrak hartuko dira kontuan. Hortaz:
- Batuz betetzen 2025eko urtarrilaren 1ean hasten diren zergadunek EEEL-140 aplikazioan baino ez dituzte egin beharko idatzoharrak.
- Batuz betetzen 2025eko urtarrilaren 1a ez beste egun batean hasten diren zergadunek ere (hau da, beren borondatez edo behartuta Batuz beste egun batean betetzen hasten direnek) urteko idatzohar guztiak EEEL-140 aplikazioan egin ahal izango dituzte, BILAko 140 eredua aurkeztu gabe. Zergadun horiek software bermatzailerik gabe egindako fakturen azpikapituluan sartu beharko dituzte Batuz betetzen hasi aurretik egindako fakturak. Hala ere, zergadun batek hautatzen badu EEEL-140 eta BILAko 140 eredua aurkeztea, kontuan eduki beharko du idatzohar bera ezin dela egin liburu bietan, bestela birritan zenbatuko da eta PFEZaren aitorpenaren zirriborroan.
-
Faktura horiek EEEL-140an erregistratuko dira, 280. ohiko galderan azaltzen den bezala, Batuz urte osoan ez bete arren, zergadun horiei gomendatzen zaie EEEL-140 bakarrik betetzea eta bertan egitea urteko idatzohar guztiak.
-
PFEZaren aitorpenaren zirriborroan jardueraren etekina zenbatesteko erabiliko den metodoa “Zerga garrantzia duen bestelako informazioa” kapituluko “Zenbatespen metodoa eta izakinen aldaketa” azpikapituluan adierazten dena izango da.
-
Oro har, PFEZaren aitorpenean, sarrerak eta gastuak eragiketak egin diren zergaldiari egozten zaizkio EEEL-140ko idatzoharrak, “Eragiketaren data” eremua). Hala ere, EEEL-140an urtean egindako eta jasotako fakturen idatzoharrak sartu behar dira, eragiketak noiz egin diren kontuan hartu gabe. Esaterako, 2026an egindako faktura baten idatzoharra 2026an sartu behar da EEEL-140an, nahiz eta eragiketa 2025ekoa izan. Halaber, 2026an jasotako faktura baten idatzoharra 2026an sartu behar da EEEL-140an, nahiz eta eragiketa 2025ekoa izan.
Beraz, PFEZaren 2025eko aitorpenaren zirriborroan idatzohar hauek hartu behar dira kontuan:
- EEEL-140ko 2025eko idatzohar guztiak, jaulkitako eta jasotako fakturen idazpenetan eragiketa-data beste urte batekoa dela adierazten denean izan ezik.
- EEEL-140ko 2024ko eta 2026ko idatzoharretatik 2025eko eragiketa-data duten guztiak.
-
Egindako eta jasotako fakturen eta sarreren eta gastuen idatzoharrak EEEL-140an sartzeko aldia 99. ohiko galderan zehazten da. Nolanahi ere, aldi horren barruan sartzen ez diren idatzoharrak geroago sartu beharko dira.
EEEL-140an hurrengo urteko martxoaren hasieran dagoen informazioa hartuko da kontuan PFEZaren aitorpen-zirriborroak kalkulatzeko. Beraz, PFEZaren aitorpen-zirriborroak ondo sortuko badira, ezinbestekoa da ordurako eginda egotea EEEL-140an egin beharreko aldaketak.
-
Txosten hori eskatzeko, EEEL-140 aplikazioko goiko barrako “Erabilgarritasunak” atalera joan behar da, gero “Txostenen eskaera” sartu behar da eta han “sarreren eta gastuen PFEZaren laburpena” klikatu.
EEEL-140ko sarreren eta gastuen txostenean EEELeko sarrera eta gastu guztien baturak agertzen dira, ekitaldiko, hiruhilekoko edo hileko xehatuta eta jardueraren, EEELeko kapituluaren eta, behar denean, gastu-kontuaren kodearen arabera.
Gogoan eduki behar da txostenean urte horretan EEEL-140an sartutako eragiketei buruzko informazioa baino ez dela agertuko. Esaterako, PFEZaren 2025eko txostenean 2025ean egindako eta jasotako fakturei buruzko informazioa baino ez da agertuko, honetara:
- “Guztira idatzoharrak” eta “Guztira sortzapenak” zutabeetan PFEZaren 2025eko aitorpenaren zirriborrorako kontuan hartuko diren idatzoharrak agertuko dira, kapituluka, eragiketak 2025ekoa dira eta (faktura batean eragiketaren data adierazten ez bada, faktura egin den data dela ulertzen da).
- “Guztira idatzoharrak aurreko aldia” eta “Guztira sortzapenak aurreko aldia” zutabeetan eragiketa aurreko aldi batekoa izateagatik, nahiz eta idatzoharra 2025ean sartu EEEL-140an, PFEZaren 2025eko aitorpenaren zirriborrorako kontuan hartuko ez diren idatzoharrak agertuko dira, kapituluka. Adibidez, honako hauek ez dira agertuko: 2025ean egindako faktura, eragiketa 2024an egin bada; 2025ean jasotako faktura, eragiketa 2024an egin bada.
- “Guztira idatzoharrak hurrengo aldia” eta “Guztira sortzapenak hurrengo aldia” zutabeetan eragiketa ondoko aldi batekoa izateagatik, nahiz eta idatzoharra 2025ean sartu EEEL-140an, PFEZaren 2025eko aitorpenaren zirriborrorako kontuan hartuko ez diren idatzoharrak agertuko dira, kapituluka. Ezohiko kasuak dira, esaterako segidako traktuko eragiketak: 2025ean egitea 2026an egingo den eragiketa baten faktura.
Beraz, nahi bada jakin EEEL-140ko zer informazio pasatuko den 2025eko errenta-aitorpenaren zirriborrora eta zergadunaren jardueran eragiketaren data ez badator bat faktura egin edo jaso den datarekin, PFEZaren ekitaldi hauetako sarreren eta gastuen laburpen-txostenak eskatu behar dira:
- EEEL-140ko PFEZaren 2024ko sarreren eta gastuen laburpena, 2024an egin edo jaso arren 2025eko eragiketei dagozkien fakturak detektatzeko, PFEZaren 2025eko zirriborroan zenbatu behar dira eta. Informazioa “Guztira idatzoharrak hurrengo aldia” eta “Guztira sortzapenak hurrengo aldia” zutabeetan agertuko da.
- EEEL-140ko PFEZaren 2025eko sarreren eta gastuen laburpena, 2025eko eragiketei dagozkien fakturak, EEEL-140an urte berean sartu direnak, detektatzeko, PFEZaren 2025eko zirriborroan zenbatu behar dira eta. Informazioa “Guztira idatzoharrak” eta “Guztira sortzapenak” zutabeetan agertuko da.
- EEEL-140ko PFEZaren 2026ko sarreren eta gastuen laburpena, 2026an egin edo jasoko diren arren 2025ean egindako eragiketei dagozkien fakturak detektatzeko, PFEZaren 2025eko zirriborroan zenbatu behar dira eta. Informazioa “Guztira idatzoharrak aurreko aldia” eta “Guztira sortzapenak aurreko aldia” zutabeetan agertuko da.
Erakutsiorrialde bakoitzeko
-
BEZaren 303, 390, 322 eta 353 ereduen zirriborroak eskatu daitezke. Eredu horiek EEELeko informazioarekin egiten dira.
-
Aitorpenen zirriborroak" erlaitzean, "BEZaren zirriborroak" atalean dagoen bideoan azaltzen da zer egin behar den BEZaren autolikidazio-zirriborroak eskatzeko.
Hain zuzen ere, BFAren egoitza elektronikoan (www.ebizkaia.eus) izapidea zehaztu behar da (303, 322, 353 edo 390) eta gero “IZAPIDETU” botoia klikatu behar da. ZERGA AITORPENEN AURKEZPENA pantailan, "AURKEZPEN MODUA" atala zabaldu behar da, "PANTAILAN BETE" hautatu eta gero aldia aukeratu.
BEZaren autolikidazioaren laburpenaren pantaila nagusian egonik, zirriborroa bi modutara eskatu daiteke:
- Goialdean ageri den abisua klikatu: “Eskatu zirriborroa”.
- Utilitateen menuan “Eskatu zirriborroa” klikatu. Abisuan zirriborroa eskatzeko epealdiaren berri ematen da.
BEZaren zirriborroak BFAren egoitza elektronikoaren bidez baino ezin dira eskatu. Zirriborroak ezin dira eskatu BILA plataformaren bidez.
-
BEZaren autolikidazio-zirriborroak eskatzeko epealdia luzatu da. Orain aurkezteko aldia amaitu baino 2 lanegun arinagora arte eskatu ahal izango dira (lehen 4 lanegun ziren).
Hau da, ezin da zirriborroa eskatu autolikidazioa aurkezteko azken egunetik aurreko egun baliodunera arteko epean (biak barne).
Adibidez, aurkezpenaren azken eguna asteartea balitz, zirriborroa eskatzeko azken eguna aurreko igandea izango litzateke.
Nolanahi ere, BEZaren aplikazioak adieraziko du zein den betetzen ari den autolikidazioaren zirriborroa eskatzeko epea.
-
Zirriborroa eskatzen den egunaren bezperan EEELan dagoen informazioarekin sortuko da. Harrezkero EEELan egiten diren aldaketak ez dira kontuan edukiko zirriborroa kalkulatzeko.
Oro har, honako faktura hauek hartuko dira kontuan BEZaren zirriborroa egiteko:
- Egindako fakturetatik, zergaldian egindako eragiketen fakturak. Fakturan eragiketaren data ageri ez bada, faktura egin den data hartuko da kontuan. Egindako faktura zuzentzaileetan, jasanarazitako BEZa faktura egin den eguneko aldiari egotziko zaio.
- Jasandako fakturetatik, zergaldian jasotakoak hartuko dira kontuan.
BEZaren zirriborroa egiteko kontuan hartutako EEELeko kapitulu bakoitzeko idatzoharren CSV fitxategiak deskargatu daitezke. Horretarako, “Zerga-egoera” sekzioko “Zirriborroari buruzko informazioa” atalean sartu behar da. Atal horretan ikusiko da EEELeko zer kapitulutan dauden idatzoharrak, fitxategia eskatu ahal izateko. Horretarako, “Ekintzak” zutabean “Eskatu” hautatu behar da eta gero, fitxategia prest dagoenean, “Deskargatu” botoia klikatu.
-
BEZaren zirriborroa egiteko kontuan hartutako EEELeko kapitulu bakoitzeko idatzoharren CSV fitxategiak deskargatu daitezke.
Horretarako, Egoitza Elektronikoan BEZaren autolikidazioa egiteko eta aurkezteko dagoen aplikazioan sartu behar da eta gero “Zerga-egoera” sekzioko “Zirriborroari buruzko informazioa” atalean sartu behar da. Atal horretan ikusiko da EEELeko zer kapitulutan dauden idatzoharrak, fitxategia eskatu ahal izateko. Horretarako, “Ekintzak” zutabean “Eskatu” hautatu behar da eta gero, fitxategia prest dagoenean, “Deskargatu” botoia klikatu.
-
BEZaren autolikidazioaren zirriborroa EEELeko datuekin sortzen da, Batuz web-orriko “Dokumentazio teknikoa” menuko “BEZaren zirriborroak” atalean argitaratutako kalkulu-arauak aplikatuz.
BEZaren zirriborroa ez badator bat autolikidazioa agertu beharrekoarekin, zirriborroko datuak aldatu ahal izango dira, autolikidazioa ondo aurkezteko. Gainera, eskatutako zirriborroa zuzena ez bada, EEELeko idatzoharretan txarto dauden datuak zuzendu beharko dira.
Erakutsiorrialde bakoitzeko