Ordainagiria egin duenak jasotako gastuen eta fakturen kapituluan (140)/jasotako fakturen kapituluan (240) erregistratuko du, "F6 Bestelako egiaztagiriak" faktura motarekin eta honako BEZ araubidearen gakoarekin: "02 Nekazaritzako, abeltzaintzako eta arrantzako araubide bereziari atxikitako pertsonei erosketetan enpresaburuek konpentsazioak ordaintzeko eragiketak".

Konpentsazioa kalkulatzeko oinarria izango da zerga-oinarria, eta fakturaren zenbateko osoa guztizko kontraprestazioa.

“Zerga-tasa” eta “jasandako kuota” eremuak hutsik utziko dira, eta “konpentsazio-ehunekoa REAGYP” eta “konpentsazio-zenbatekoa REAGYP” eremuak osatuko dira; “BEZ kengarria” gisa, konpentsazio kengarriaren zenbatekoa esleituko da.

76. ohiko galderan kontsulta dezakezu REAGYPari atxikitako zergadunak nola erregistratzen duen ordainagiria EEELan.

Bi egoera bereiz daitezke:

• Hartzailea enpresaburua edo profesionala izatea (REAGYPari ez atxikita): kasu horretan, ez da TicketBAI fakturarik egin beharko zergadunaren REAGYPari atxikitako eragiketengatik, eragiketaren hartzaileak egin beharko duelako dagokion ordainagiria. REAGYPi atxikitako zergadunak 1.3- fakturarik gabeko sarrerak eta periodifikazioak azpikapituluan erregistratuko du eragiketa hori, "Ezohiko sarrerak eta beste batzuk (73, 77 eta 79 azpitaldeak)" diru-sarrera mota hautatuta. 220. ohiko galderan kontsulta dezakezu nola erregistratzen duen ordainagiria EEELan egiten duenak.
• Hartzailea partikularra izatea edo enpresaburua edo profesionala REAGYPari atxikita: kasu honetan, TicketBAI faktura bat egin beharko da zergadunaren REAGYPari atxikitako eragiketengatik. Faktura edo egiaztagiri horiek BEZaren honako erregimenaren gakoa adieraziz egingo dira: "19 Nekazaritza, abeltzaintza eta arrantzako araubide berezian (REAGYP) sartutako jardueren eragiketak", eta OT kausagatik (Beste batzuk) BEZari lotuta ez dagoen eragiketa dela adieraziko da.